കണ്ണൂര്: ഹര്ത്താലിന്റെ മറവിലുണ്ടായ അക്രമങ്ങളുടെ പേരുപറഞ്ഞ് കണ്ണൂര് നഗരത്തിലെ വ്യാപാര സ്ഥാപനങ്ങളില് ഭീതിപരത്തി പോലിസ് നടത്തുന്ന റെയ്ഡ് ആര്എസ്എസ്സിനെ പ്രീതിപ്പെടുത്താനുള്ള ഉന്നത നിര്ദേശത്തിന്റെ ഭാഗമാണെന്ന് എസ്ഡിപിഐ കണ്ണൂര് ജില്ലാ കമ്മിറ്റി പ്രസ്താവിച്ചു.
ആഭ്യന്തര വകുപ്പ് ഭരിക്കുന്ന മുഖ്യമന്ത്രിയാണോ അതോ പോലിസിലെ ഉന്നത സ്ഥാനത്തുള്ള ആര്എസ്എസ്സുകാരാണോ ഇതിന് നിര്ദേശം നല്കിയത് എന്ന് സിപിഎം ജില്ലാ സെക്രട്ടറി വെളിപ്പെടുത്തണം. മുസ്ലിംകളുടെ സ്ഥാപനങ്ങളെ തകര്ക്കുകയെന്ന ആര്എസ്എസ് അജണ്ടയ്ക്ക് കേരളാ പോലിസും സിപിഎമ്മും വളംവെച്ച് കൊടുക്കുകയാണ്. ഹര്ത്താലില് അക്രമം നടത്തിയവരെ നിഷ്പക്ഷമായ അന്വേഷണത്തിലൂടെ കണ്ടെത്തി അറസ്റ്റ് ചെയ്യുന്നതിന് പകരം നിരപരാധികളെ വേട്ടയാടാനും സ്ഥാപനങ്ങളെ തകര്ക്കാനുമാണ് ലക്ഷ്യമിടുന്നത്. പോലിസ് നടപടി ധ്രുവീകരണത്തിന് ആക്കം കൂട്ടുകയാണ് ചെയുക. നിരപരാധികളെ വേട്ടയാടുന്നത് പോലിസ് അവസാനിപ്പിക്കണമെന്നും അല്ലാത്തപക്ഷം ശക്തമായ പ്രക്ഷോഭത്തിന് എസ്ഡിപിഐ നേതൃത്വം നല്കുമെന്നും എസ്ഡിപിഐ കണ്ണൂര് ജില്ലാ ജനറല് സെക്രട്ടറി ബഷീര് കണ്ണാടിപ്പറമ്ബ് പ്രസ്താവനയില് വ്യക്തമാക്കി.
إرسال تعليق