ക്രിസ്റ്റ്യാനോ റൊണാൾഡോ അന്താരാഷ്ട്ര ഫുട്ബോളിൽ നിന്ന് വിരമിച്ചു; വികാരഭരിതമായ വിഡിയോക്ക് സോഷ്യൽ മീഡിയയിൽ ദശലക്ഷക്കണക്കിന് കാഴ്ചക്കാർ
പോർച്ചുഗലിന്‍റെ ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോ (41) അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. വ്യാഴാഴ്ച തന്‍റെ ഔദ്യോഗിക സോഷ്യൽ മീഡിയ അക്കൗണ്ടുകളിലൂടെ വികാരഭരിതമായ ഒരു വിഡിയോ പങ്കുവെച്ചുകൊണ്ടാണ് 23 വർഷം നീണ്ട തന്‍റെ അന്താരാഷ്ട്ര കരിയറിന് താരം വിരാമമിട്ടത്.
പോസ്റ്റിട്ട് രണ്ടര മണിക്കൂറിനുള്ളിൽ തന്നെ എക്സിൽ വിഡിയോ 2.7 മില്യണിലധികം ആളുകൾ കാണുകയും 4,85,000ൽ അധികം ലൈക്കുകളും 1,56,000ലധികം റീപോസ്റ്റുകളും നേടുകയും ചെയ്തു. പതിനായിരക്കണക്കിന് ആരാധകരും കായിക രംഗത്തെ പ്രമുഖരുമാണ് റൊണാൾഡോയ്ക്ക് ആശംസകളുമായി രംഗത്തെത്തുന്നത്.
2003 ഓഗസ്റ്റിൽ ആരംഭിച്ച പോർച്ചുഗൽ ദേശീയ ടീം കരിയറിനെക്കുറിച്ചും അതിനായി നടത്തിയ ത്യാഗങ്ങളെക്കുറിച്ചും വിഡിയോയിൽ റൊണാൾഡോ വികാരഭരിതനായി സംസാരിച്ചു.
“പോർച്ചുഗലിലെ ജനങ്ങൾക്കായി, നമ്മുടെ ദേശീയ ടീമിന്‍റെ 7-ാം നമ്പർ ജേഴ്സി തിരികെ നൽകേണ്ട ദിവസം വന്നെത്തിയിരിക്കുന്നു. കളിത്തട്ടിലെ എന്‍റെ യാത്ര അഭിമാനത്തോടെ തലയുയർത്തിത്തന്നെ അവസാനിക്കുന്നു. ഗോളുകൾക്കും റിക്കാർഡുകൾക്കും ട്രോഫികൾക്കുമപ്പുറം രാജ്യത്തെ ജനങ്ങളുടെ സ്നേഹമാണ് എനിക്ക് ഏറ്റവും പ്രധാനം,” റൊണാൾഡോ വിഡിയോയിൽ പറഞ്ഞു. 6 ലോകകപ്പുകളിൽ കളിക്കുകയും ഗോൾ നേടുകയും ചെയ്ത ഏക പുരുഷ താരം
കുടുംബത്തിന്‍റെ പിന്തുണയ്ക്കും തന്നെ പിന്തുണച്ച ദശലക്ഷക്കണക്കിന് ആരാധകർക്കും കൃതജ്ഞത അറിയിച്ചുകൊണ്ടാണ് റൊണാൾഡോ തന്‍റെ അന്താരാഷ്ട്ര ഫുട്ബോൾ കുപ്പായമഴിച്ചുവെച്ചത്.
إرسال تعليق