പകല് അസഹനീയമായ ചൂട്; വൈകിട്ട് ഇടിമിന്നലോട് കൂടിയ മഴ, ജാഗ്രത പാലിക്കണമെന്ന് കാലാവസ്ഥാവകുപ്പ്
തിരുവനന്തപുരം: സംസ്ഥാനത്ത് ഇന്നും മഴയ്ക്ക് സാധ്യത. ഒറ്റപ്പെട്ടയിടങ്ങളിൽ ഇന്നും തിങ്കളാഴ്ചയും ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. അതേസമയം, കേന്ദ്ര കാലാവസ്ഥാവകുപ്പിന്റെ അടുത്ത അഞ്ചുദിവസത്തേക്കുള്ള മഴ സാധ്യതാ പ്രവചനം അനുസരിച്ച് ഒരു ജില്ലകളിലും പ്രത്യേക മുന്നറിയിപ്പില്ല. ഇടിമിന്നല് അപകടകാരിയാണ്. അതിനാല് ജാഗ്രത പാലിക്കണമെന്നും അറിയിപ്പ് ഉണ്ട്. അതിനിടെ തെക്കന് കേരളത്തില് ഒറ്റപ്പെട്ട സ്ഥലങ്ങളില് ഇന്നലെ വേനല്മഴ ലഭിച്ചു.
അതേസമയം പകല് സമയങ്ങളില് കടുത്ത ചൂട് തുടരുകയാണ്. 12 ജില്ലകളിൽ ജാഗ്രതാനിര്ദേശം നല്കിയിട്ടുണ്ട്. ഇന്ന് പാലക്കാട് ജില്ലയില് ഉയര്ന്ന താപനില 39 °C വരെയും കൊല്ലം ജില്ലയില് 38°C വരെയും രേഖപ്പെടുത്തുമെന്നാണ് കാലാവസ്ഥ വകുപ്പിന്റെ പ്രവചനം. തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ ജില്ലകളില് ഉയര്ന്ന താപനില 37°C വരെയും മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് 36°C വരെയും ഉയരാന് സാധ്യതയുണ്ട്.
إرسال تعليق