കെ.​ആ​ര്‍. നാ​രാ​യ​ണ​ന്‍ ഫി​ലിം ഇ​ന്‍​സ്റ്റി​റ്റ്യൂ​ട്ടി​ൽ തീ​പി​ടി​ത്തം; ഷൂ​ട്ടിം​ഗി​ന് പി​ന്നാ​ലെ​യാ​ണ് തീ ​പ​ട​ർ​ന്ന​ത്; 7 ല​ക്ഷം രൂ​പ​യു​ടെ ന​ഷ്ടം

കെ.​ആ​ര്‍. നാ​രാ​യ​ണ​ന്‍ ഫി​ലിം ഇ​ന്‍​സ്റ്റി​റ്റ്യൂ​ട്ടി​ൽ തീ​പി​ടി​ത്തം; ഷൂ​ട്ടിം​ഗി​ന് പി​ന്നാ​ലെ​യാ​ണ് തീ ​പ​ട​ർ​ന്ന​ത്; 7 ല​ക്ഷം രൂ​പ​യു​ടെ ന​ഷ്ടം

പ​ള്ളി​ക്ക​ത്തോ​ട്: പ​ള്ളി​ക്ക​ത്തോ​ട് കെ.​ആ​ര്‍. നാ​രാ​യ​ണ​ന്‍ ഫി​ലിം ഇ​ന്‍​സ്റ്റി​റ്റ്യൂ​ട്ടി​ലെ ഷൂ​ട്ടിം​ഗ് ഫ്ളോ​റി​ല്‍ തീ​പി​ടി​ത്തം. ഷോ​ര്‍​ട്ട് സ​ര്‍​ക്യൂ​ട്ടി​നെ തു​ട​ര്‍​ന്നാ​ണ് തീ​പി​ടി​ത്ത​മെ​ന്നാ​ണ് പ്രാ​ഥ​മി​ക നി​ഗ​മ​നം. ഇ​ന്ന​ലെ രാ​ത്രി ഏ​ഴി​നാ​ണ് സം​ഭ​വം. ഫ്ളോ​റി​ല്‍​നി​ന്നു പു​ക ഉ​യ​രു​ന്ന​താ​യി ഇ​ന്‍​സ്റ്റി​റ്റ്യൂ​ട്ടി​ല്‍ താ​മ​സി​ക്കു​ന്ന വി​ദ്യാ​ര്‍​ഥി​ക​ളു​ടെ ശ്ര​ദ്ധ​യി​ല്‍​പ്പെ​ട്ട​തി​നെ തു​ട​ര്‍​ന്ന് ഫ​യ​ര്‍​ഫോ​ഴ്‌​സി​ല്‍ വി​വ​ര​മ​റി​യി​ക്കു​ക​യാ​യി​രു​ന്നു.

പ്ര​ത്യേ​ക ഷീ​റ്റ് കൊ​ണ്ട് നി​ര്‍​മി​ച്ച വ​ലി​യ ഹാ​ളി​നു​ള്ളി​ലാ​ണ് ഷൂ​ട്ടിം​ഗ് ഫ്ളോ​ര്‍ നി​ര്‍​മി​ച്ചി​രി​ക്കു​ന്ന​ത്. കാ​ര്‍​ഡ് ബോ​ര്‍​ഡു​ക​ളും മ​റ്റും ഉ​പ​യോ​ഗി​ച്ച് വി​വി​ധ ത​ര​ത്തി​ലു​ള്ള കെ​ട്ടി​ട​ങ്ങ​ളും വീ​ടു​ക​ളും റോ​ഡു​ക​ളും ഷൂ​ട്ടിം​ഗി​നാ​യി ഉ​ണ്ടാ​ക്കി​യി​രു​ന്നു. തീ ​ഇ​തി​ലേ​ക്ക് പ​ട​രു​ക​യാ​യി​രു​ന്നു. ഷൂ​ട്ടിം​ഗ് ഫ്‌​ളോ​റി​ല്‍ സ​ജ്ജീ​ക​രി​ച്ചി​രു​ന്ന റൂ​റ​ല്‍ സെ​റ്റും ലൈ​റ്റു​ക​ളും ബാ​റ്റ​റി​ക​ളും പൂ​ര്‍​ണ​മാ​യും ക​ത്തി​ന​ശി​ച്ചു.

ഏ​ഴു ല​ക്ഷ​ത്തോ​ളം രൂ​പ​യു​ടെ ന​ഷ്ടം ഉ​ണ്ടാ​യ​താ​യാ​ണ് വി​ല​യി​രു​ത്ത​ല്‍. ഈ ​സ​മ​യ​ത്ത് ആ​രും ഇ​ല്ലാ​തി​രു​ന്ന​തി​നാ​ല്‍ ആ​ള​പാ​യം ഒ​ഴി​വാ​യി. ഇ​ന്ന​ലെ പ​ക​ല്‍ ഇ​വി​ടെ ഷൂ​ട്ടിം​ഗു​ണ്ടാ​യി​രു​ന്നു. ഇ​തി​നാ​യി അ​ടു​പ്പ് പോ​ലു​ള്ള സാ​ധ​ന​ങ്ങ​ള്‍ ഒ​രു​ക്കി​യി​രു​ന്നു. ഇ​തി​ല്‍ നി​ന്ന് തീ ​പ​ട​ര്‍​ന്ന​താ​കാ​മെ​ന്നാ​ണ് ക​രു​തു​ന്ന​ത്. പാ​മ്പാ​ടി, കാ​ഞ്ഞി​ര​പ്പ​ള്ളി, പാ​ലാ എ​ന്നി​വി​ട​ങ്ങ​ളി​ല്‍​നി​ന്നും ഫ​യ​ര്‍​ഫോ​ഴ്‌​സെ​ത്തി ഒ​ന്ന​ര മ​ണി​ക്കൂ​റോ​ളം സ​മ​യ​മെ​ടു​ത്താ​ണ് തീ ​അ​ണ​ച്ച​ത്.