ഞാനൊരു കാര്യം പറയട്ടെ… യുവാക്കൾക്കൊപ്പം സീനിയർ നേതാക്കളും മത്സരിക്കട്ടെ; കഴിഞ്ഞതവണ മത്സരിക്കാതിരുന്നതിന്റെ കാരണം പറഞ്ഞ് മുല്ലപ്പള്ളി രാമചന്ദ്രൻ
കണ്ണൂര്: നിയമസഭാ തെരഞ്ഞെടുപ്പില് മത്സരിക്കുമെന്ന സൂചന നല്കി കെപിസിസി മുന് അധ്യക്ഷന് മുല്ലപ്പള്ളി രാമചന്ദ്രന്. താന് മത്സരിക്കുമോ എന്നത് കോണ്ഗ്രസ് ദേശീയ നേതൃത്വം തീരുമാനിക്കുമെന്നാണ് മുല്ലപ്പള്ളി പറഞ്ഞു.
കെപിസിസി പ്രസിഡന്റ് ആയിരുന്നതിനാലാണ് കഴിഞ്ഞ തവണ നിയമസഭയിലേക്ക് മത്സരിക്കാതിരുന്നത്. നിലവില് അത്തരം സാഹചര്യങ്ങളില്ലെന്നും മുല്ലപ്പള്ളി കണ്ണൂരില് മാധ്യമങ്ങളോട് പ്രതികരിച്ചു.
നിയമസഭാ തെരഞ്ഞെടുപ്പില് യുവാക്കള്ക്ക് മതിയായ പരിഗണന നല്കണം. താന് കെപിസിസി അധ്യക്ഷനായിരുന്ന സമയത്ത് 46 സീറ്റുകള് സ്ത്രീകള്ക്കും യുവാക്കള്ക്കും നല്കിയിരുന്നു. യുവാക്കള്ക്ക് ഒപ്പം തെരഞ്ഞെടുപ്പില് സീനിയര് നേതാക്കളും മത്സരിക്കണമെന്നാണ് തന്റെ അഭിപ്രായം.
ലോക്സഭയിലേക്ക് മത്സരിക്കാന് ഇല്ലെന്ന് നേരത്തെ തന്നെ നേതൃത്വത്തെ അറിയിച്ചിരുന്നു. തന്റെ സ്ഥാനാര്ഥിത്വത്തിന് പാര്ട്ടി ഒരിക്കലും തടസം നിന്നിട്ടില്ലെന്നും മുല്ലപ്പള്ളി രാമചന്ദ്രൻ പറഞ്ഞു
إرسال تعليق