കല്പ്പറ്റയില് 16 വയസുകാരനെ മര്ദിച്ച കേസ്: ഒരാള് കൂടി അറസ്റ്റില്
വയനാട്: കല്പ്പറ്റയില് 16 വയസുകാരനെ വിളിച്ചു വരുത്തി മർദിച്ച കേസില് ഒരാള് കൂടി അറസ്റ്റില്. കല്പ്പറ്റ സ്വദേശി നാഫില് (18) ആണ് അറസ്റ്റിലായത്.
വാർത്തയും ദൃശ്യങ്ങളും പുറത്തുവന്നതിന് പിന്നാലെ ഇയാള് മേപ്പാടി മൂപ്പൻസ് മെഡിക്കല് കോളേജില് ചികിത്സയ്ക്ക് പോയിരുന്നു. ആശുപത്രി പരിസരത്ത് നിന്നാണ് പ്രതിയെ പോലീസ് പിടികൂടിയത്. കേസില് പ്രായപൂർത്തിയാകാത്ത രണ്ടുപേരെ നേരത്തെ പിടികൂടിയിട്ടുണ്ട്.
കഴിഞ്ഞ ബുധനാഴ്ച വൈകിട്ട് മൂന്നോടെയാണ് കേസിനാസ്പദമായ സംഭവം ഉണ്ടായത്. 16 വയസുകാരനെ കാരനെ ഫോണ് വിളിച്ചു വരുത്തിയാണ് ഒരു സംഘം വിദ്യാർഥികള് മർദിച്ചത്. കുട്ടിയെ ക്രൂരമായി മർദിക്കുന്നതിന്റെ ദൃശ്യങ്ങളും പുറത്തുവന്നിരുന്നു.
മുഖത്തും തലയ്ക്കും പുറത്തും വടി കൊണ്ട് ക്രൂരമായി മർദിക്കുന്നതാണ് ദൃശ്യങ്ങളിലുള്ളത്. വിദ്യാർഥിയെ കൊണ്ട് കാലുപിടിച്ച് മാപ്പ് പറയിക്കുന്നതും കാണാം. പിന്നാലെയാണ് തടഞ്ഞ് വച്ച് മർദിച്ചെന്ന പരാതിയില് കല്പ്പറ്റ പോലീസ് കേസ് എടുത്തത്.
إرسال تعليق