കൂത്തുപറമ്പ: പാട്യം പത്തായക്കുന്നിലലാണ് സ്ഫോടനം ഉണ്ടായത്. നടുറോഡില് ഉണ്ടായ സ്ഫോടനത്തില് റോഡിലെ ടാര് ഇളകിത്തെറിച്ചു. രണ്ടു വീടുകളുടെ ജനല്ചില്ലുകളും തകര്ന്നു. ബോംബ് സ്ഫോടനത്തിന് പിന്നില് സിപിഎം ആണെന്ന് ബിജെപി ആരോപിച്ചു.
ഇന്നലെ രാത്രി 12 മണിയോടെയാണ് സംഭവം ഉണ്ടായത്. സംഘര്ഷാവസ്ഥ നിലനില്ക്കുന്ന പ്രദേശമാണിത്. വലിയ ശബ്ദത്തോടെ നടുറോഡിലാണ് ബോംബ് പൊട്ടിയത്. ഭയം സൃഷ്ടിക്കാനാകാം ബോംബ് പൊട്ടിച്ചത് എന്നാണ് പൊലീസിന്റെ പ്രാഥമിക നിഗമനം. ഏറു പടക്കമാണ് പൊട്ടിത്തെറിച്ചത് എന്നും പോലീസ് പറയുന്നു. കൂടുതൽ വ്യക്തത വരാതെ ഒന്നും പറയാൻ കഴിയില്ല എന്നും പോലീസ് പറഞ്ഞു.
അല്ലെങ്കില് ബൈക്കില് സഞ്ചരിക്കുന്നതിനിടെ കൈയില് നിന്ന് ബോംബ് റോഡില് വീണ് പൊട്ടിയതാകാം എന്നും പൊലീസ് സംശയിക്കുന്നു. വലിയ ശബ്ദത്തോടെയുള്ള പൊട്ടിത്തെറിയില് റോഡിന്റെ ഇരുവശങ്ങളിലുമുള്ള രണ്ടു വീടുകളുടെ ജനല്ചില്ലുകളാണ് തകര്ന്നത്. സംഭവത്തിന് പിന്നാലെ കതിരൂര് പൊലീസ് സ്ഥലത്തെത്തി എഫ്ഐആര് ഇട്ട് അന്വേഷണം ആരംഭിച്ചിട്ടുണ്ട്. ഇതിന് പിന്നിലെ പ്രവർത്തിച്ചവരെ എത്രയും വേഗം കണ്ടെത്തുമെന്ന് പോലീസ് പറഞ്ഞു. ജനങ്ങളോട് പരിഭ്രാന്തി വേണ്ട എന്നും പോലീസ് കൂട്ടിച്ചേർത്തു.
إرسال تعليق