തിരുവനന്തപുരം: കണ്ണൂര് വിമാനത്താവള കാറ്റഗറി ഒന്ന് ലൈറ്റിങ്ങിനായി ഏറ്റെടുത്ത ഭൂമിക്ക് തൊട്ടുകിടക്കുന്ന 71.85 സെന്റ് ഭൂമി ഏറ്റെടുക്കാൻ മന്ത്രിസഭാ തീരുമാനം.
അഞ്ച് കുടുംബങ്ങളുടെ 71.85 സെന്റ് ഭൂമി സുരക്ഷ മുൻനിര്ത്തി ഏറ്റെടുക്കുന്നതിന് ഭരണാനുമതി നല്കി.ഇതിനാവശ്യമായ ഫണ്ടിന് വിശദമായ ശുപാര്ശ സമര്പ്പിക്കാൻ കണ്ണൂര് കലക്ടര്ക്ക് നിര്ദേശം നല്കി. ധനകാര്യ വകുപ്പ് പരാമര്ശിക്കുന്ന 14 കുടുംബങ്ങളുടെ വസ്തു ഏറ്റെടുക്കുന്നതിന് തത്വത്തില് തീരുമാനിച്ച് ആവശ്യമായ ഫണ്ട് അടിയന്തരമായി ലഭ്യമാക്കുന്നതിന് വിശദമായ ശുപാര്ശ സമര്പ്പിക്കുവാനും കലക്ടറെ ചുമതലപ്പെടുത്തി.
ഡ്യൂട്ടിക്കിടയില് അത്യാഹിതങ്ങള്ക്ക് ഇരയാകുന്ന സര്ക്കാര് ജീവനക്കാര്ക്ക് പ്രത്യേക സഹായ പദ്ധതി നടപ്പാക്കുന്നതിനുള്ള പൊതു മാനദണ്ഡങ്ങള് മന്ത്രിസഭ യോഗം അംഗീകരിച്ചു.
കേരള റോഡ് ഫണ്ട് ബോര്ഡിലേക്ക് അന്യത്ര സേവന വ്യവസ്ഥയില് ഉദ്യോഗസ്ഥരെ നിയമിച്ചതിന്റെ ഫലമായി പൊതുമരാമത്ത് വകുപ്പില് ഉണ്ടായ 71 ഒഴിവുകളിലേക്ക് പി.എസ്. സി മുഖേന നിയമനം നടത്താനും തീരുമാനിച്ചു.
إرسال تعليق