ഇരിട്ടി: കണ്ണൂര് അയ്യൻകുന്ന് പഞ്ചായത്തിലെ ഉരുപ്പുംകുറ്റിക്കടുത്ത് ഞെട്ടിത്തോട് മലയില് രാത്രിയിലും വെടിയൊച്ച.തണ്ടര്ബോള്ട്ട്-മാവോയിസ്റ്റ് വെടിവയ്പ് രാത്രിയിലും ഉണ്ടായി എന്നാണ് സൂചന.
ഞെട്ടിത്തോട് വനത്തിനുള്ളില് കുറിച്യ വിഭാഗത്തില്പെട്ട ഒരാള്ക്കു പതിച്ചുകിട്ടിയ നാലേക്കര് ഭൂമിയിലാണ് ആദ്യം വെടിയൊച്ച കേട്ടതെന്നു നാട്ടുകാര് പറഞ്ഞു. ഇവിടെ താല്ക്കാലിക ഷെഡില് മാവോയിസ്റ്റുകളുടെ യോഗം നടക്കുന്നതിനിടെ എസ്പിജി സംഘം എത്തുകയും മാവോയിസ്റ്റുകള് ഇവര്ക്കു നേരെ വെടിയുതിര്ക്കുകയും ചെയ്തതായാണു വിവരം. രണ്ടു ഷെഡുകള് ഇവിടെയുണ്ടായിരുന്നു.മാവോയിസ്റ്റുകളെ കണ്ടതോടെ സംഷര്ഷം തുടങ്ങി. മാവോയിസ്റ്റുകള് ആക്രമിച്ചു. എസ്പിജി തിരിച്ചു വെടിവച്ചു. ആദ്യം തുടര്ച്ചയായ വെടിവയ്പ് ആയിരുന്നു. പിന്നീട് മൂന്നു മണിക്കൂറോളം വനത്തിനുള്ളിലേക്കു നീങ്ങി വെടിയൊച്ച കേള്ക്കാമായിരുന്നു. ഉരുപ്പുംകുറ്റി മാവോയിസ്റ്റ് ആക്രമണം നടന്നപ്പോള് കാട്ടില് ഉണ്ടായിരുന്നത് 8 മാവോയിസ്റ്റുകളാണെന്ന് പൊലീസ് എഫ്ഐആര്. മാവോയിസ്റ്റുകള്ക്കായി തെരച്ചില് നടത്തുകയായിരുന്ന പൊലീസ് സംഘത്തിന് നേരെ ഇവര് വെടിയുതിര്ത്തു.
ഉരുപ്പുംകുറ്റി വനമേഖലയിലെ ഞെട്ടിത്തോട് എന്ന സ്ഥലത്തു വച്ചാണ് വെടിവയ്പ്പ് നടന്നതെന്നും രാവിലെ 9.30 നായിരുന്നു ആക്രമണമെന്നും അന്വേഷണ ഉദ്യോഗസ്ഥനായ തപോഷ് ബസുമതരി വ്യക്തമാക്കി. മാവോയിസ്റ്റുകളുടെ ഭാഗത്ത് നിന്ന് നിരവധി തവണ വെടിവയ്പ്പുണ്ടായെന്നും ഏറ്റുമുട്ടല് നടന്ന ഞെട്ടിത്തോട് മാവോയിസ്റ്റുകള് തമ്ബടിച്ച ഷെഡുകളുണ്ടായിരുന്നുവെന്നും തീവ്രവാദ വിരുദ്ധ സേന ഡിഐജി പുട്ട വിമലാദിത്യ പറഞ്ഞു. സംഭവത്തില് യുഎപിഎ നിയമത്തിലെ വകുപ്പുകളടക്കം ചുമത്തി കേസെടുത്തു.
പ്രദേശത്ത് കഴിഞ്ഞ ദിവസങ്ങളില് മാവോയിസ്റ്റുകള് എത്തിയിരുന്നു. നിരീക്ഷണം ശക്തമാക്കിയ തണ്ടര്ബോള്ട്ട് രാവിലെ തെരച്ചിലിന് ഇറങ്ങിയപ്പോഴാണ് വെടിവയ്പ്പ് ഉണ്ടായത്. ഏറ്റുമുട്ടലിനിടെ മാവോയിസ്റ്റുകള് ഉള്ക്കാട്ടിലേക്ക് പിൻവലിഞ്ഞു.
إرسال تعليق