Join News @ Iritty Whats App Group

പതിനാറുകാരന്‍ പിറന്നാള്‍ ദിനത്തില്‍ ഹൃദയാഘാതം മൂലം മരിച്ചു ; കേക്ക് മുറിച്ച് ആഘോഷങ്ങളോടെ അന്ത്യയാത്ര നല്‍കി കുടുംബം

തെലങ്കാനയില്‍ പതിനാറുകാരന്‍ പിറന്നാള്‍ ദിനത്തില്‍ ഹൃദയാഘാതം മൂലം മരിച്ചു. തെലങ്കാനയിലെ ആസിഫാബാദ് ജില്ലയില്‍ വെള്ളിയാഴ്ചയാണ് സംഭവം. സി.എച്ച് സച്ചിന്‍ (16) ആണ് മരിച്ചത്. തുടര്‍ന്ന് മൃതദേഹത്തോടോപ്പം പിറന്നാള്‍ കേക്ക് മുറിച്ചാണ് കുടുംബം അന്ത്യയാത്ര നല്‍കിയത്.

ജന്മദിനം ആഘോഷിക്കാന്‍ ആസിഫാബാദ് മണ്ഡലിലെ ബാബപൂര്‍ ഗ്രാമത്തിലെ വീട്ടില്‍ സുഹൃത്തുക്കളും കുടുംബാംഗങ്ങളും അയല്‍ക്കാരും ഒത്തുകൂടിയിരുന്നു. വലിയ ആഘോഷമാണ് മകന് വേണ്ടി കുടുംബം ഒരുക്കിയിരുന്നത്. എന്നാല്‍ ആഘോഷങ്ങള്‍ക്കിടയില്‍ സച്ചിന്‍ പെട്ടെന്ന് കുഴഞ്ഞുവീഴുകയായിരുന്നു.

ഉടന്‍ സച്ചിനെ ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു. സച്ചിന്‍ ഹൃദയാഘാതം മൂലമാണ് മരിച്ചതെന്ന് ഡോക്ടര്‍മാര്‍ പറഞ്ഞു. പിന്നീട് അന്ത്യകര്‍മങ്ങള്‍ക്ക് മുമ്പ് മകന്റെ മൃതദേഹത്തോടൊപ്പം ജന്മദിനം ആഘോഷിക്കാന്‍ കുടുംബാംഗങ്ങള്‍ തീരുമാനിച്ചു. ്ഇതിനു ശേഷം സച്ചിന്റെ മൃതദേഹം വീട്ടില്‍ എത്തിച്ച് ജന്മദിനം ആഘോഷിച്ച ശേഷമാണ് സംസ്‌കരിച്ചത്.

Ads by Google

Post a Comment

أحدث أقدم
Join Our Whats App Group