കൊവിഡ് 19 എന്ന പകർച്ചവ്യാധി വിവിധ ആരോഗ്യപ്രശ്നങ്ങൾക്ക് കാരണമാകുന്നു. ശ്വസനവ്യവസ്ഥയിൽ പ്രശ്നങ്ങൾ സൃഷ്ടിച്ചിരിക്കുന്നതിന് പുറമേ സുഖം പ്രാപിച്ച പല കൊവിഡ് -19 രോഗികൾക്കും ചില ന്യൂറോളജിക്കൽ ലക്ഷണങ്ങൾ അനുഭവപ്പെടുന്നു. പല രോഗികളും മസ്തിഷ്ക മൂടൽമഞ്ഞ്, ശ്രദ്ധക്കുറവ്, ഓർമ്മക്കുറവ്, വിഷാദം തുടങ്ങിയ ലക്ഷണങ്ങൾ റിപ്പോർട്ട് ചെയ്തിട്ടുണ്ട്.
കൊവിഡ് 19 രോഗികളുടെ തലച്ചോറിലെ ജീൻ ഉപയോഗം പ്രായമായ തലച്ചോറിൽ കാണപ്പെടുന്നതിന് സമാനമാണെന്ന് ബെത്ത് ഇസ്രായേൽ ഡീക്കനെസ് മെഡിക്കൽ സെന്ററിലെ ഹാർവാർഡ് മെഡിക്കൽ സ്കൂളിലെ ശാസ്ത്രജ്ഞർ കണ്ടെത്തി.
ശാസ്ത്രജ്ഞർ തലച്ചോറിന്റെ ഒരു പ്രത്യേക ടിഷ്യു സാമ്പിൾ എടുത്ത് ആർഎൻഎ സീക്വൻസിംഗ് എന്ന മോളിക്യുലർ പ്രൊഫൈലിംഗ് ടെക്നിക് ഉപയോഗിച്ച് അവർ ഓരോ ജീനിന്റെയും അളവ് അളക്കുകയും കൊവിഡ് -19 രോഗികളുടെ തലച്ചോറിലെ ജീൻ എക്സ്പ്രഷൻ പ്രൊഫൈലുകളിലെ മാറ്റങ്ങൾ വിലയിരുത്തുകയും ചെയ്തു. രോഗബാധയില്ലാത്ത വ്യക്തികളുടെ തലച്ചോറിൽ കാണപ്പെടുന്ന മാറ്റങ്ങളുമായി അവർ അവയെ താരതമ്യം ചെയ്തു. നേച്ചർ ഏജിംഗിൽ ലേഖനം പഠനം പ്രസിദ്ധീകരിച്ചു.
ഒരു വ്യക്തിക്ക് പ്രായമാകുമ്പോൾ തലച്ചോറിലെ ജൈവിക പാതകളിലെ മാറ്റങ്ങൾ നിരീക്ഷിക്കപ്പെടുന്നു. അതേ മാറ്റങ്ങൾ ഗുരുതരമായ കൊവിഡ് -19 ഉള്ള രോഗികളിലും കാണപ്പെടുന്നുവെന്ന് ഗവേഷണം സൂചിപ്പിക്കുന്നു.
കൊവിഡ് 19 മസ്തിഷ്ക വാർദ്ധക്യത്തിന്റെ തന്മാത്രാ സിഗ്നേച്ചറുകളുമായി ബന്ധപ്പെട്ടിരിക്കുന്നുവെന്ന് കാണിക്കുന്ന ആദ്യ പഠനമാണ് ഞങ്ങളുടേത്. കൊവിഡ് 19 ബാധിച്ച രോഗികളുടെയും പ്രായമായ വ്യക്തികളുടെയും തലച്ചോറിൽ ശ്രദ്ധേയമായ സാമ്യങ്ങൾ ഞങ്ങൾ കണ്ടെത്തി...- ഗവേഷകരിലൊരാളായ മരിയ മാവ്രികാകി പറഞ്ഞു.
കൊവിഡ് 19 ബാധിച്ച് മരിച്ച രോഗികളുടെ മസ്തിഷ്ക കോശങ്ങളിലെ ജീൻ എക്സ്പ്രഷൻ" 71 വയസോ അതിൽ കൂടുതലോ പ്രായമുള്ള രോഗബാധയില്ലാത്ത വ്യക്തികളുടേതുമായി സാമ്യമുള്ളതാണെന്ന് ബെത്ത് ഇസ്രായേൽ ഡീക്കനസിലെ പോസ്റ്റ്ഡോക്ടറൽ റിസർച്ച് ഫെല്ലോ ജോനാഥൻ ലീ പറഞ്ഞു.
പഠനത്തിന്റെ കണ്ടെത്തലുകൾ അനുസരിച്ച് കൊവിഡ് 19 ബാധിച്ച ഒരാൾക്ക് ന്യൂറോളജിക്കൽ ടെസ്റ്റ് നടത്തണമെന്ന് സംഘം പറഞ്ഞു. കൊവിഡ് 19 രോഗികളുടെ തലച്ചോറിലെ വാർദ്ധക്യസമാനമായ പ്രത്യാഘാതങ്ങൾ എന്താണെന്ന് മനസിലാക്കാനുള്ള പഠനത്തിന്റെ ഒരു തുടർനടപടികൾ നടന്ന് വരികയാണെന്നും ഗവേഷകർ പറഞ്ഞു.
Post a Comment