തിരുവനന്തപുരം: പാലക്കാട് വടക്കഞ്ചേരിയില് ബസ് അപകടത്തില് മരണപ്പെട്ട 9 പേരുടെ കുടുംബങ്ങള്ക്ക് 2 ലക്ഷം രൂപ വീതം മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കാന് തീരുമാനിച്ചു. നേരത്തെ അനുവദിച്ച തുകയ്ക്കു പുറമെയാണിത്.
അപകടത്തില് മരിച്ചവരുടെ ബന്ധുക്കള്ക്കും പരുക്കേറ്റവര്ക്കും പ്രധാനമന്ത്രി ധനസഹായം പ്രഖ്യാപിച്ചിരുന്നു. പ്രധാനമന്ത്രി ദേശീയ ദുരന്ത നിവാരണ ഫണ്ടില്നിന്നും രണ്ട് ലക്ഷം രൂപ വീതവും പരുക്കേറ്റവര്ക്ക് അമ്പതിനായിരം രൂപ വീതവും ധനസഹായം നല്കും.
എറണാകുളം മുളന്തുരുത്തി ബസേലിയസ് വിദ്യാനികേതന് സ്കൂളില് നിന്ന് വിനോദയാത്രയ്ക്ക് പോയ കുട്ടികളുടെ സംഘമായിരുന്നു ടൂറിസ്റ്റ് ബസില് ഉണ്ടായിരുന്നത്. കൊട്ടാരക്കര കോയമ്പത്തൂര് സൂപ്പര്ഫാസ്റ്റ് ബസിലാണ് ടൂറിസ്റ്റ് ബസ് ഇടിച്ചത്.
إرسال تعليق