മുംബൈയില്‍ 80 കോടിയുടെ ഹെറോയിനുമായി മലയാളി പിടിയില്‍. ബിനു ജോണെന്നയാളാണ് പിടിയിലായത്. ട്രോളി ബാഗില്‍ കടത്തുകയായിരുന്ന 16 കിലോ വീര്യം കൂടിയ ഹെറോയിനാണ് മുംബൈ വിമാനത്താവളത്തില്‍ നിന്ന് ഡിആര്‍ഐ പിടികൂടിയത്.
ട്രോളി ബാഗില്‍ രഹസ്യ അറയുണ്ടാക്കിയാണ് ലഹരി മരുന്ന് കൊണ്ട് വന്നത്. സംശയം തോന്നി നടത്തിയ പരിശോധനയിലാണ് ഇത്രയും കൂടിയ അളവില്‍ ഹെറോയിന്‍ പിടികൂടിയത്. ഒരു വിദേശിക്കായി താന്‍ ക്യാരിയറായി പ്രവര്‍ത്തിച്ചെന്നാണ് ഇയാള്‍ മൊഴി നല്‍കിയിരിക്കുന്നത്. ഡോളറില്‍ പ്രതിഫലവും കൈപ്പറ്റി. കേസില്‍ കൂടുതല്‍ അന്വേഷണം തുടരുകയാണ്.
إرسال تعليق