ഉളിയില് ബൈക്ക് യാത്രക്കാരനെ പെട്രോള് ബോംബ് എറിഞ്ഞ സംഭവത്തില് ഉളി സ്വദേശിയായ പോപ്പുലര് ഫ്രണ്ട് പ്രവര്ത്തകന് സഫ്വാന് ആണ് പിടിയിലായത്.ഹര്ത്താലിനിടെ നടുവനാട് വെച്ച് പോലീസുകാരെ ആക്രമിച്ച സംഭവത്തില് നടുവനാട് സ്വദേശികളായ സത്താര്, സജീര് എന്നിവരും അറസ്റ്റിലായിട്ടുണ്ട്. അക്രമസംഭവങ്ങളുമായി ബന്ധപ്പെട്ട് ഇനിയും കൂടുതല് അറസ്റ്റ് ഉണ്ടാകുമെന്ന് പോലീസ് പറയുന്നത്.
ഹര്ത്താല് ദിനത്തിലെ അക്രമവുമായി ബന്ധപ്പെട്ട് കണ്ണൂര് സിറ്റിയില് രജിസ്റ്റര് ചെയ്ത 26 കേസുകളിലായി 70 പേരാണ് അറസ്റ്റിലായിട്ടുള്ളത്. കണ്ണൂര് റൂറലില് രജിസ്റ്റര് ചെയ്ത ഒമ്ബതു കേസുകളില് 26 പേരെയും അറസ്റ്റ് ചെയ്തിട്ടുണ്ട്. ഹര്ത്താല് ദിനത്തില് കണ്ണൂരില് അഞ്ചിലേറെ സ്ഥലങ്ങളില് പെട്രോള് ബോംബ് ഉപയോഗിച്ചുള്ള അക്രമങ്ങളുണ്ടായി എന്നാണ് പൊലീസ് സൂചിപ്പിക്കുന്നത്.
إرسال تعليق