തിരുവനന്തപുരം വര്ക്കലയില് നവവധുവിനെ ഭര്ത്താവ് തലയ്ക്കടിച്ചു കൊന്നു. ആലപ്പുഴ കിടങ്ങാംപറമ്പ് സ്വദേശിനി നിഖിത (26) ആണ് മരിച്ചത്. ഭര്ത്താവ് അനീഷിനെ (35) വര്ക്കല പൊലീസ് കസ്റ്റഡിയിലെടുത്തു. പുലര്ച്ചെ രണ്ടു മണിയോടെ ഭര്ത്തൃഗൃഹത്തില് ആണ് നിഖിത കൊല്ലപ്പെട്ടത്.
ഗള്ഫിലായിരുന്ന ഇരുവരും നാട്ടിലെത്തിയത് ഒരാഴ്ച്ച മുമ്പാണ്. അനീഷ് നിലവിളക്ക് ഉപയോഗിച്ച് നിഖിതയുടെ തലയ്ക്ക് അടിച്ചു കൊലപ്പെടുത്തി എന്നാണ് പ്രാഥമിക വിവരം. ഭാര്യയോടുള്ള അനീഷിന്റെ സംശയമാണ് കൊലപാതകത്തിന് കാരണമെന്ന് പൊലീസ് പറഞ്ഞു.
സംഭവം നടക്കുന്ന സമയത്ത് അനീഷിന്റെ മാതാപിതാക്കളും വീട്ടില് ഉണ്ടായിരുന്നു. സയന്റിഫിക് വിഭാഗം എത്തിയതിനുശേഷം മാത്രമേ കൂടുതല് വിവരങ്ങള് പറയാന് കഴിയൂ എന്ന് പൊലീസ് അറിയിച്ചു. രണ്ടുമാസം മുമ്പായിരുന്നു അനീഷിനെയും നിഖിതയുടെയും വിവാഹം .
إرسال تعليق