ശ്രീനാഥ് ഭാസിയെ സിനിമയില് നിന്നും മാറ്റി നിര്ത്തുമെന്ന് നിര്മ്മാതാക്കളുടെ സംഘടന. മാധ്യമപ്രവര്ത്തകയോട് മോശമായി സംസാരിച്ചതിന്റെ പേരിലാണ് നിര്മ്മാതാക്കളുടെ സംഘടന തീരുമാനം എടുത്തിരിക്കുന്നത്. എന്നാല് കേസില് ഒരകു രീതിയിലും ഇടപെടില്ലെന്നും നിര്മ്മാതാക്കളുടെ സംഘടന വ്യക്തമാക്കി.
‘ചട്ടമ്പി’ സിനിമയുടെ പ്രമോഷനുമായി ബന്ധപ്പെട്ട് നടന്ന അഭിമുഖത്തിനിടെയാണ് ശ്രീനാഥ് ഭാസി മാധ്യമപ്രവര്ത്തകയെ തെറി വിളിച്ചത്. മാധ്യമപ്രവര്ത്തകയുടെ പരാതിയില് ചോദ്യം ചെയ്യലിനെത്തിയ ശ്രീനാഥ് ഭാസിയെ മരട് പൊലീസ് അറസ്റ്റ് ചെയ്യുകയും പിന്നീട് ജാമ്യത്തില് വിടുകയും ചെയ്തിരുന്നു.
സ്ത്രീത്വത്തെ അപമാനിക്കല്, ലൈംഗിക ചുവയോടെ സംസാരിക്കല് , പൊതുസ്ഥലത്ത് അസഭ്യം പറയുക എന്നീ വകുപ്പുകള് ചുമത്തിയാണ് കേസ് രജിസ്റ്റര് ചെയ്തിരിക്കുന്നത്.
إرسال تعليق