കോയമ്പത്തൂരിലെ സ്വകാര്യ കോളേജിലെ വിദ്യാര്ത്ഥികളെ ബസിനുള്ളില് കടന്നുകയറി മര്ദ്ദിച്ചവര് അറസ്റ്റില്. പുതുശ്ശേരിയില് കോളേജ് വിദ്യാര്ത്ഥികളെ മര്ദിച്ച കേസിലാണ് അഞ്ച് പേര് അറസ്റ്റിലായത്. രണ്ട് പേരെക്കൂടി പിടികൂടാനുണ്ടെന്ന് വാളയാര് പൊലീസ് അറിയിച്ചു.
രോഹിത്, നിഖില്, അക്ബര്, സത്യജിത്, സുജീഷ് എന്നിവരാണ് പിടിയിലായത്. അഞ്ച് പേരും കഞ്ചിക്കോട് സ്വദേശികളാണ്.
പുതിശ്ശേരിയില് കോളേജ് ബസ് തടഞ്ഞാണ് ഇവര് വിദ്യാര്ത്ഥികളെ മര്ദിച്ചത്. ആക്രമണത്തില് ചില വിദ്യാര്ത്ഥികള്ക്ക് പരുക്കേറ്റിരുന്നു. ഇവര് ആശുപ്രതിയില് ചികിത്സ തേടിയിട്ടുണ്ട്. കുട്ടികള് തമ്മിലുള്ള തര്ക്കത്തില് പുറത്തുനിന്നുള്ളവര് ഇടപെട്ടെന്നാണ് നിഗമനം.
ബസിലുണ്ടായിരുന്ന ഒരു വിദ്യാര്ത്ഥി തന്നെയാണ് ബസിന്റെ വാതില് അക്രമികള്ക്കായി തുറന്നുകൊടുത്തത്. ഡോര് തുറന്നുകൊടുത്ത ഉടന് ബസിലേക്ക് ചാടിക്കയറിയ യുവാക്കളുടെ സംഘം വിദ്യാര്ത്ഥികളെ ക്രൂരമായി മര്ദ്ദിക്കുന്നതിന്റെ ദൃശ്യങ്ങള് പുറത്തുവന്നിട്ടുണ്ട്.
إرسال تعليق