വാട്സ് ആപ്പ് ഡിലീറ്റ് ചെയ്തതിന് ആറുവയസുകാരിയ്ക്ക് ക്രൂര മര്‍ദ്ദനം; അമ്മ പൊലീസ് കസ്റ്റഡിയില്‍, ആശുപത്രിയില്‍ പറഞ്ഞത് വീണുപരിക്കേറ്റെന്ന്
തിരുവനന്തപുരം: ഫോണില്‍ നിന്ന് വാട്സാപ്പ് ഡിലീറ്റ് ചെയ്തതിന്റെ പേരില്‍ ആറുവയസുകാരിക്ക് അമ്മയുടെ ക്രൂര മർദ്ദനം.
തിരുവനന്തപുരം നെയ്യാറ്റിൻകര ഉദിയൻകുളങ്ങരയിലാണ് സംഭവം. മുഖത്ത് മാരകമായി പരിക്കേറ്റ കുഞ്ഞിനെ നെയ്യാറ്റിൻകര ജനറല്‍ ആശുപത്രിയില്‍ പ്രവേശിപ്പിച്ചു. ഇന്ന് ഉച്ചയോടെയാണ് സംഭവം.ഉദിയൻകുളങ്ങര സ്വദേശികളായ വിഷ്ണു-ശോഭ ദമ്പതികളുടെ ഇളയ മകള്‍ വിഷ്ണുനന്ദയ്ക്കാണ് മർദ്ദനമേറ്റത്. മുഖത്ത് അടിയേറ്റതിനെത്തുടർന്ന് മുറിവും ചതവുമായാണ് കുട്ടിയെ ആശുപത്രിയില്‍ പ്രവേശിച്ചത്.
അമ്മയുടെ ഫോണിലെ വാട്സാപ്പ് ഡിലീറ്റ് ചെയ്തതായിരുന്നു പ്രകോപന കാരണം. കട്ടിലില്‍ നിന്ന് വീണ് മുഖത്ത് പരിക്കേറ്റെന്ന് പറഞ്ഞായിരുന്നു കുട്ടിയെ ജനറല്‍ ആശുപത്രിയില്‍ അമ്മയും അമ്മൂമ്മയും ചേർന്ന് എത്തിച്ചത്. എന്നാല്‍ മുഖത്തെ മാരകമായ പരിക്കില്‍ സംശയം തോന്നിയ ഡോക്ടർ നടത്തിയ അന്വേഷണത്തിലായിരുന്നു മർദ്ദന വിവരം പുറത്തറിയുന്നത്. തുടർന്ന് അമ്മ ശോഭയെ പൊലീസ് കസ്റ്റഡിയില്‍ എടുക്കുകയായിരുന്നു. മുമ്പ് ഇത്തരത്തില്‍ കുട്ടിയെ ഉപദ്രവിച്ചിട്ടുണ്ടോ എന്ന കാര്യം ഉള്‍പ്പെടെ പൊലീസ് അന്വേഷിക്കും.
Post a Comment