തമിഴ്നാട്ടിൽ മൂന്നാം പ്രസവത്തിന് 365 ദിവസം അവധി; സ്ത്രീശാക്തീകരണം ലക്ഷ്യമിട്ടാണ് പുതിയ തീരുമാനമെന്ന് മന്ത്രി ഡി ശരത് കുമാർ
ചെന്നൈ: തമിഴ്നാട്ടിലെ വനിതാ സർക്കാർ ജീവനക്കാർക്കു മൂന്നാം പ്രസവത്തിനും 365 ദിവസം അവധി. ഇതുവരെ ആദ്യ രണ്ടു കുട്ടികളുടെ ജനനത്തിനാണ് ഒരുവർഷം വീതം അവധി നൽകിയിരുന്നത്. മൂന്നാം പ്രസവത്തിന് 12 ആഴ്ച മാത്രമായിരുന്നു അവധി.
സാമൂഹ്യക്ഷേമവും സ്ത്രീശാക്തീകരണവും ലക്ഷ്യമിട്ടു പ്രവർത്തിക്കുന്ന സർക്കാരെന്ന നിലയിലാണു പുതിയ തീരുമാനമെന്ന് മന്ത്രി ഡി. ശരത് കുമാർ നിയമസഭയിൽ പറഞ്ഞു.
സർക്കാർ ജീവനക്കാരുടെ 90 ദിവസത്തെ പ്രസവാവധി 2011 ലാണ് ആറ് മാസമായി ഉയർത്തിയത്. 2016ൽ ഇത് ഒന്പതുമാസമാക്കി ഉയർത്തി.
2021 ജുലൈയിൽ ഒരു വർഷമായി വർധിപ്പിച്ച് ആദ്യ രണ്ട് പ്രസവത്തിനു മാത്രമായി പരിമിതപ്പെടുത്തുകയും ചെയ്തിരുന്നു.
Post a Comment