സംസ്ഥാനത്ത് റേഷന് കടകളുടെ പ്രവർത്തനം സ്തംഭിച്ചു; രാവിലെ മുതല് പലയിടത്തും ഇ പോസ് മെഷീന് പ്രവര്ത്തന രഹിതം
തിരുവനന്തപുരം: സംസ്ഥാനത്ത് പലയിടത്തും റേഷന് കടകളുടെ പ്രവർത്തനം സ്തംഭിച്ചു. രാവിലെ മുതല് പലയിടത്തും ഇ പോസ് മെഷീന് പ്രവര്ത്തന രഹിതമാണ്. റേഷൻ കടകളുടെ 12 മണി വരെയുള്ള പ്രവര്ത്തനം തടസപ്പെട്ടു. രാവിലെ റേഷൻ വാങ്ങാൻ എത്തിയവർ നിരാശരായി മടങ്ങി. വൈകുന്നേരത്തെ റേഷൻ വിതരണത്തെയും ബാധിക്കുമെന്ന് ആശങ്കയുണ്ട്.
മുന്ഗണനാ കാര്ഡിന് അപേക്ഷിക്കാനുള്ള അവസാന തിയ്യതി ഇന്ന്
ഒഴിവാക്കല് മാനദണ്ഡങ്ങളില് ഉള്പ്പെടാത്ത കുടുംബങ്ങളുടെ പൊതുവിഭാഗം (വെള്ള, നീല) റേഷന് കാര്ഡുകള് പി എച്ച് എച്ച് വിഭാഗത്തിലേക്ക് (പിങ്ക്) തരം മാറ്റുന്നതിനായി അര്ഹരായ മുന്ഗണനേതര റേഷന് കാര്ഡ് ഉടമകള്ക്ക് അപേക്ഷ സമര്പ്പിക്കുന്നതിനുള്ള സമയ പരിധി ഇന്ന് അവസാനിക്കും. അര്ഹരായ റേഷന് കാര്ഡുടമകള് ബന്ധപ്പെട്ട രേഖകള് സഹിതം അക്ഷയ കേന്ദ്രങ്ങള് വഴിയോ ecitizen.civilsupplieskerala.gov.in എന്ന സിറ്റിസണ് ലോഗിന് പോര്ട്ടല് മുഖേനയോ അപേക്ഷ സമര്പ്പിക്കണമെന്ന് ജില്ലാ സപ്ലൈ ഓഫീസര് അറിയിച്ചു. മുന്ഗണനാ റേഷന് കാര്ഡുകള് ലഭിക്കാന് അര്ഹതയുള്ള മുന്ഗണനേതര വിഭാഗക്കാര്ക്ക് ഇതിന്റെ പ്രയോജനം ലഭിക്കും.
Post a Comment