കണ്ണൂരില് ശക്തമായ കടലാക്രമണത്തിന് സാധ്യത: മത്സ്യ തൊഴിലാളികള് ജാഗ്രത പാലിക്കണമെന്ന് മുന്നറിയിപ്പ്
കണ്ണൂർ: മലബാറിലെ തീരപ്രദേശങ്ങളില് ശക്തമായ കടലാക്രമണത്തിന് സാധ്യത.കോഴിക്കോട് (ചോമ്പാല FH മുതല് രാമനാട്ടുകര വരെ), കണ്ണൂര്, കാസര്കോട് (വളപ്പട്ടണം മുതല് ന്യൂ മാഹി വരെയും കുഞ്ചത്തൂര് മുതല് കോട്ടക്കുന്ന് വരെയും) ജില്ലകളിലെ തീരങ്ങളില് ഇന്ന് രാവിലെ 11.30 മുതല് നാളെ ഉച്ചയ്ക്ക് 2.30 വരെ 2.8 മുതല് 3.6 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
കള്ളക്കടല് പ്രതിഭാസത്തിന്റെ ഭാഗമായി കന്യാകുമാരി തീരത്ത് നാളെ പുലര്ച്ചെ 05.30 വരെ 1.4 മുതല് 1.7 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്നും മുന്നറിയിപ്പുണ്ട്. കടലാക്രമണത്തിന് സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കേണ്ടതാണ്. കേരളത്തില് ഒറ്റപ്പെട്ടയിടങ്ങളില് ഇന്ന് ഇടിമിന്നല് സാധ്യതയുണ്ടെന്നും മുന്നറിയിപ്പുണ്ട്.
إرسال تعليق