മുഖ്യമന്ത്രി ആരാകണമെന്ന് തീരുമാനിക്കാം, കോൺഗ്രസിന് സ്വാതന്ത്ര്യമുണ്ട്; വെള്ളാപ്പള്ളിക്ക് സമൂഹം മറുപടി നൽകുമെന്നും പാണക്കാട് ശിഹാബ് തങ്ങൾ

മുഖ്യമന്ത്രി ആരാകണമെന്ന് തീരുമാനിക്കാം, കോൺഗ്രസിന് സ്വാതന്ത്ര്യമുണ്ട്; വെള്ളാപ്പള്ളിക്ക് സമൂഹം മറുപടി നൽകുമെന്നും പാണക്കാട് ശിഹാബ് തങ്ങൾ

മലപ്പുറം: മുഖ്യമന്ത്രി ആരാകണമെന്ന് കോൺഗ്രസിന് തീരുമാനിക്കാമെന്ന് പാണക്കാട് മുനവറലി ശിഹാബ് തങ്ങൾ. ആരെ മുഖ്യമന്ത്രിയാക്കാനും കോൺഗ്രസിന് സ്വാതന്ത്ര്യമുണ്ട്. ലീഗിന്റെ മന്ത്രി സ്ഥാനം സംബന്ധിചുള്ള ചർച്ചകൾ മെയ് നാലിന് ശേഷമെന്നും മുനവറലി ശിഹാബ് തങ്ങൾ  പറഞ്ഞു. അതേസമയം വെള്ളാപ്പള്ളിയുടെ പരാമർശങ്ങൾക്ക് ഈ തെരഞ്ഞെടുപ്പ് മറുപടി നൽകുമെന്ന് മുനവറലി ശിഹാബ് തങ്ങൾ. വെള്ളപ്പള്ളിക്ക് ലീഗ് മറുപടി പറയില്ല. വെള്ളാപ്പള്ളിക്ക് മറുപടി പറയുകയാണെങ്കിൽ അതിനെ സമയം ഉണ്ടാകുവെന്നും പാണക്കാട് മുനവറലി തങ്ങൾ പറഞ്ഞു. ലീഗിന്റെയും മലപ്പുറത്തിന്റെയും പേരിൽ വർഗീയത പറയുന്നത് സമൂഹം മുഖവിലയ്ക്കെടുക്കില്ല.

വെള്ളാപ്പള്ളിക്ക് സമൂഹം മറുപടി നൽകുമെന്നും പാണക്കാട് മുനവറലി ശിഹാബ് തങ്ങൾ പറഞ്ഞു. കോൺഗ്രസിൽ ആര് മുഖ്യമന്ത്രി ആകണമെന്ന് കോൺഗ്രസ് ആണ് പറയേണ്ടത്, ലീഗ് അല്ലെന്നും വെള്ളാപ്പള്ളി നേരത്തെ പറഞ്ഞിരുന്നു. യുഡിഎഫ് ഭരണം വന്നാൽ ലീഗ് ഭരിക്കുമെന്നാണ് ഇതിൽ നിന്ന് മനസിലാക്കേണ്ടത്. ലീഗായിരിക്കും ഭരിക്കുന്നത്. യുഡിഎഫ് വന്നാൽ എന്ത് സംഭവിക്കും എന്നതിന്റെ തെളിവാണിത്. മാറാട് ആവർത്തിക്കും. ലീഗിന്റെ മുഖ്യമന്ത്രി വന്നാലും അത്ഭുതപ്പെടാനില്ല. പെട്ടി പൊട്ടിച്ചാൽ ലീഗ് ഉപമുഖ്യമന്ത്രി സ്ഥാനം എങ്കിലും വേണമെന്ന് പറയും. യുഡിഎഫിലെ ഘടകകക്ഷികൾ ഇരിക്കാൻ പറഞ്ഞാൽ കിടക്കുന്നവരാണെന്നുമാണ് വെള്ളാപ്പള്ളി പറഞ്ഞിരുന്നത്.