കണ്ണൂരില് റോഡരികില് നില്ക്കുകയായിരുന്ന കുടുംബത്തിൻ്റെ ഇടയിലേക്ക് മിനി ലോറി ഇടിച്ചു കയറി നാലു വയസുകാരിക്ക് ദാരുണാന്ത്യം
മയ്യില്: റോഡരികില് നില്ക്കുകയായിരുന്ന കുടുംബത്തിൻ്റെ ഇടയിലേക്ക് മിനി ലോറി ഇടിച്ചു കയറി നാലു വയസുകാരി മരിച്ചു.
മാതാപിതാക്കള്ക്ക് ഗുരുതരമായി പരിക്കേറ്റു. ഇന്നലെ രാത്രി 8.20 ഓടെ പാവന്നൂർ കടവിലായിരുന്നു നാടിനെ നടുക്കിയ ദാരുണ അപകടം.
പാവന്നൂർ കടവ് എടത്തിലേക്കണ്ടി ഹൗസില് പി കെ സാജിദിൻ്റെയും എകെ മൈമൂനത്തിൻ്റെയും മകള് തഷ്രീഫ (നാല്) ആണ് മരിച്ചത്. അപകടത്തില് സാജിദിനെയും എകെ മൈമൂനത്തിനെയും ഗുരുതര പരിക്കുകളോടെ കണ്ണൂർ കിംസ് ശ്രീചന്ദ് ആശുപത്രിയില് പ്രവേശിച്ചു.
സ്കൂട്ടർ നിർത്തി റോഡരികില് നില്ക്കുകയായിരുന്ന പാവന്നൂർ എ എല്പി സ്കൂള് ഭാഗത്ത് നിന്ന് ഓടിച്ചു വന്ന കെ എല് 59 4847 നമ്പർ മിനിലോറി ഇടിക്കുകയായിരുന്നു. ഇവരെ ഉടൻ ശ്രീചന്ദ് ആശുപത്രിയില് എത്തിച്ചെങ്കിലും കുട്ടി മരണപ്പെടുകയായിരുന്നു. മൃതദേഹം പോസ്റ്റുമോർട്ടത്തിന് ശേഷം പാവന്നൂർ കടവ് മദ്റസയില് എത്തിച്ച് പൊതുദർശനത്തിന് വെക്കും. തുടർന്ന് ഖബറടക്കം.
إرسال تعليق