മില്മ പാല് വില ലിറ്ററിന് 4 രൂപ കൂട്ടി; പുതിയ നിരക്ക് ജൂണ് ഒന്ന് മുതല് പ്രാബല്യത്തില്
മില്മ പാല് വില ലിറ്ററിന് നാല് രൂപ കൂട്ടി. ഇതോടെ ലിറ്ററിന് 56 രൂപയാകും. പുതുക്കിയ വില ജൂണ് ഒന്ന് മുതല് പ്രാബല്യത്തില് വരും. മില്മ ബോര്ഡ് ഓഫ് ഡയറക്ടേഴ്സ് യോഗത്തിലാണ് തീരുമാനം. കഴിഞ്ഞ ഏപ്രിലില് ചേര്ന്ന യോഗത്തില് നിയമസഭാ തെരഞ്ഞെടുപ്പ് ഫലപ്രഖ്യാപനത്തിന് ശേഷം വില വര്ധിപ്പിക്കാന് തീരുമാനിച്ചിരുന്നു.
പുതുക്കിയ വര്ധനപ്രകാരമുള്ള തുകയില് 83.75 ശതമാനം വിഹിതവും ക്ഷീര കര്ഷകര്ക്ക് ലഭിക്കും. 6.25 ശതമാനം വീതം സൊസൈറ്റികള്ക്കും ഡീലര്മാര്ക്കും നല്കും. 2.5 ശതമാനം മില്മയ്ക്കും 0.75ശതമാനം ക്ഷേമനിധിയിലേക്കും മാറ്റിവയ്ക്കും. 0.5 ശതമാനം പ്ലാസ്റ്റിക് നീക്കം ചെയ്യല് പ്രക്രിയകള്ക്കും നല്കാനാണ് തീരുമാനം.
കര്ഷകന് 3.33 രൂപ ലഭിക്കുന്ന രീതിയിലാണ് വര്ധനവ് തീരുമാനിച്ചത്. പാൽവില കൂട്ടി കർഷകരെ സഹായിക്കണമെന്ന് മേഖല യൂണിയനുകൾ നിരന്തരം ആവശ്യപ്പെട്ടിരുന്നു. മിൽമയുടെ നിരന്തര ആവശ്യം പരിഗണിച്ചാണ് പാൽവില കൂട്ടാനുള്ള അനുമതി നൽകിയത്.
Post a Comment