വയനാട് വീട് നിര്മ്മാണത്തിനായി പിരിച്ച പണത്തിൻറെ കണക്ക് പുറത്തുവിട്ട് കോണ്ഗ്രസ്
കണ്ണൂർ:വയനാട് വീട് നിർമ്മാണത്തിനായി പിരിച്ച പണത്തിൻറെ കണക്ക് പുറത്തുവിട്ട് കോണ്ഗ്രസ്. ആകെ 5,38,21,632 രൂപയാണ് പ്രതിപക്ഷ നേതാവിന്റെയും കെപിസിസി പ്രസിഡന്റിന്റെയും പേരിലുള്ള ജോയിന്റ് അക്കൗണ്ട് വഴി ലഭിച്ചതെന്ന് സണ്ണി ജോസഫ് പറഞ്ഞു.
ഇതിന് പുറമെ യൂത്ത് കോണ്ഗ്രസ് ഒരുകോടി അഞ്ച് ലക്ഷംരൂപ നല്കിയന്നും സണ്ണി ജോസഫ് വാർത്താ സമ്മേളനത്തില് പറഞ്ഞു.വീട് നിർമാണത്തിനായി ആദ്യഘട്ടത്തില് മൂന്നേക്കർ ഇരുപത്തി നാലര സെന്റ് ഭൂമി വാങ്ങി. ഇതിനായി രജിസ്ട്രേഷൻ ഉള്പ്പടെ 3,68,36.388 രൂപ ചെലവിട്ടു. കൂടാതെ ഇതിന്റെ ആപ് നിർമാണത്തിനായി കെ സുധാകരൻ കെപിസിസി പ്രസിഡന്റായിരിക്കെ 9,30,000 രൂപ ചെലവഴിച്ചു. രണ്ടാംഘട്ടത്തില് 2,50,30,272 രൂപ ചെലവിട്ട് രണ്ട് ഏക്കർ പതിനെട്ട് സെന്റ് ഭൂമിയാണ് വാങ്ങിയത്.
ഇതിനായി കെപിസിസിയുടെ തനത് ഫണ്ടില് നിന്ന് 97,51,212രൂപ അധികമായി ചെലവിട്ടു. ഇനി ഭൂമി വാങ്ങുന്നതിനും മറ്റുമായി 73,90,985 രൂപ ആവശ്യമാണ്.വീട് നിർമാണത്തിനായി പിരിച്ചതിനേക്കാള് കൂടുതല് പണം ചെലവഴിച്ചു കഴിഞ്ഞതായും വീട് നിർമാണത്തിനായി ഇനി പണം പിരിക്കില്ലെന്നും പാർട്ടി ഫണ്ട് ഉപയോഗിച്ച് വീടുകളുടെ നിർമാണം പൂർത്തിയാക്കുമെന്നും സണ്ണി ജോസഫ് പറഞ്ഞു. എല്ലാ പണവും എല്ലാം അക്കൗണ്ട് വഴിയാണ് നല്കിയത്. കണക്കുകള് ആർക്കും പരിശോധിക്കാം. ഇതില് സംശയത്തിന്റെ പുകമറ സൃഷ്ടിക്കാനാണ് സിപിഎം ശ്രമിച്ചതെന്ന് സണ്ണി ജോസഫ് പറഞ്ഞു.
إرسال تعليق