നിയമസഭാ തെരഞ്ഞെടുപ്പ്; അഞ്ച് മുതല് ഏഴ് വരെ സീറ്റുകള് ലഭിക്കുമെന്ന് ബിജെപി കോര് കമ്മിറ്റി
തിരുവനന്തപുരം: നിയമസഭാ തെരഞ്ഞെടുപ്പില് ബിജെപിക്ക് അഞ്ച് മുതല് ഏഴ് വരെ സീറ്റുകള് ലഭിക്കുമെന്ന് ബിജെപി കോര്കമ്മിറ്റിയുടെ നിരീക്ഷണം. നേമം, കഴക്കൂട്ടം, കാട്ടാക്കട, മഞ്ചേശ്വരം, പാലക്കാട് എന്നീ മണ്ഡലങ്ങളില് വിജയിക്കാന് സാധിക്കും.
തൃശൂര്, തിരുവല്ല, തിരുവനന്തപുരം മണ്ഡലങ്ങളിൽ വിജയസാധ്യതയുണ്ടെന്നാണ് ബിജെപിയുടെ പ്രതീക്ഷ. ബിജെപി കോര് കമ്മിറ്റിയില് ശോഭാ സുരേന്ദ്രനുമായി ബന്ധപ്പെട്ട ഓഡിയോ ക്ലിപ്പ് ചര്ച്ചയായി.
ബിജെപി സംസ്ഥാന വൈസ് പ്രസിഡന്റ് കെ. സോമന് ശോഭയെ നിശിതമായി വിമര്ശിക്കുകയും ശോഭയ്ക്കെതിരെ നടപടി വേണമെന്ന് ആവശ്യപ്പെട്ടു എന്നുമാണ് ലഭിച്ച സൂചന.
ശബ്ദ സന്ദേശത്തില് തന്റെ പേര് വലിച്ചിഴച്ചെന്നും തനിക്ക് അപമാനം ഉണ്ടാക്കിയെന്നുമാണ് സോമന് പരാതി ഉന്നയിച്ചത്. ഷോണ് ജോര്ജ് ക്രൈസ്തവ സഭകള്ക്കെതിരെ നടത്തിയ പരാമര്ശം ശരിയായില്ലെന്നും ഷോണിനെതിരെ വിമര്ശനം ഉയര്ന്നു.
إرسال تعليق