വോട്ട് ചെയ്യാൻ മഷി പുരട്ടിയ വിരലിൽ ചൊറിച്ചിലും വേദനയും, പിന്നാലെ വിരലിലെ തൊലി പൊളിഞ്ഞതിന് നഷ്ടപരിഹാരം ആവശ്യപ്പെട്ട് വോട്ടർ

വോട്ട് ചെയ്യാൻ മഷി പുരട്ടിയ വിരലിൽ ചൊറിച്ചിലും വേദനയും, പിന്നാലെ വിരലിലെ തൊലി പൊളിഞ്ഞതിന് നഷ്ടപരിഹാരം ആവശ്യപ്പെട്ട് വോട്ടർ

കൊച്ചി: വോട്ട് ചെയ്ത സമയത്ത് വിരലിൽ പുരട്ടിയ മഷി ആരോഗ്യ പ്രശ്നങ്ങൾ ഉണ്ടാക്കിയതായി ആരോപണം. ആരോഗ്യ പ്രശ്നങ്ങൾ ഉണ്ടായതിനാൽ നഷ്ടപരിഹാരം ആവശ്യപ്പെട്ട് രംഗത്തെത്തിയിരിക്കുകയാണ് പള്ളുരുത്തി പി ഡി റോഡിലെ തട്ടാപറമ്പിൽ ടി വി സനൽ ബാബു.

വോട്ട് രേഖപ്പെടുത്തുന്നതിനിടെ തേച്ച മഷി ചൂണ്ട് വിരലിലും നടു വിരലിലും വീണതായി സനൽ ബാബു പറയുന്നു. രണ്ട് ദിവസങ്ങൾക്ക് ശേഷം വിരലിൽ ചൊറിച്ചിലും വേദനയും അനുഭവപ്പെട്ടതായി അദ്ദേഹം വ്യക്തമാക്കി. പിന്നീട് വിരലിലെ തൊലി പൊളിഞ്ഞ് പോയി, പൊള്ളലേറ്റത് പോലെ വേദനയും നീറ്റലും ഉണ്ടായെന്നും പറയുന്നു.

തുടർന്ന് സർക്കാർ ആശുപത്രിയിൽ ചികിത്സ തേടിയെങ്കിലും ആവശ്യമായ മരുന്നുകൾ ലഭ്യമല്ലാത്തതിനാൽ പുറത്ത് നിന്ന് വാങ്ങാൻ നിർദേശിച്ചതായും സനൽ ബാബു ആരോപിക്കുന്നു. വോട്ട് ചെയ്തതിനെ തുടർന്നുണ്ടായ പരിക്കിന് ചികിത്സ ഉറപ്പാക്കുകയും നഷ്ടപരിഹാരം അനുവദിക്കണമെന്നും ആവശ്യപ്പെട്ട് ജില്ലാ കളക്ടർക്ക് അദ്ദേഹം പരാതി.