പ്രവാസികള്ക്ക് ആശ്വാസം; സംഘര്ഷത്തെതുടര്ന്ന് വിസ കാലാവധി തീര്ന്ന് സൗദിയിൽ കുടുങ്ങിയവര്ക്ക് പിഴയില്ലാതെ രാജ്യം വിടാം
റിയാദ്:സംഘർഷം കാരണം വിസ കാലാവധി തീർന്ന് സൗദിയിൽ കുടുങ്ങിപ്പോയവർക്ക് പിഴയില്ലാതെ രാജ്യം വിടാം. ഏപ്രിൽ 18 വരെ വിസകൾ നീട്ടാനും അവസരമുണ്ട്. സൗദി ആഭ്യന്തര മന്ത്രാലയമാണ് ഇക്കാര്യം അറിയിച്ചത്. എല്ലാത്തരം വിസകൾക്കും പുതിയ ഇളവ് ബാധകമാണ്. ഉംറ, ട്രാൻസിറ്റ്, വിസിറ്റ്, ഫൈനൽ എക്സിറ്റ് വിസകൾക്ക് പുതിയ ഇളവ് ബാധകമായിരിക്കും.ഫെബ്രുവരി 25 കാലാവധി തീർന്ന വിസകൾക്കാണ് ഇളവ് അനുവദിച്ചിരിക്കുന്നത്.ആവശ്യമെങ്കിൽ ഏപ്രിൽ 18 വരെ വിസ പുതുക്കാം. ഇതിനായി ആവശ്യമായ ഫീസടയ്ക്കണം.വിസ കാലാവധി തീർന്നവർക്ക് പുതുക്കാതെ തന്നെ രാജ്യം വിടാം. പുതുക്കുകയോ ഫീസടയ്ക്കുകയോ വേണ്ടെന്നുംഓവർസ്റ്റേ പിഴ ഈടാക്കില്ലെന്നും അധികൃതര് അറിയിച്ചു.ഏപ്രിൽ 18ന് മുൻപ് രാജ്യം വിടാനാണ് നിര്ദേശം.ഏപ്രിൽ 18 ഓടെ നടപടികളാരംഭിക്കും
Post a Comment