റോക്കറ്റ് വേഗത്തിൽ കുതിച്ച് സ്വർണവില; പവന് 1,22,520 രൂപ, ഗ്രാമിന് 15000 കടന്നു
സംസ്ഥാനത്ത് റോക്കറ്റ് വേഗത്തിൽ കുതിച്ച് സ്വർണവില. സ്വർണവില ഉച്ചക്ക് ശേഷവും കൂടി. ഗ്രാമിന് 175 രൂപ വർധിച്ച് 15,315 രൂപയായി. പവൻ്റെ വില 1400 രൂപ വർധിച്ച് 1,22,520 രൂപയായി.
18 കാരറ്റ് സ്വർണത്തിൻ വിലയിൽ ഗ്രാമിന് 145 രൂപയും 14 കാരറ്റ് സ്വർണത്തിന് ഗ്രാമിന് 110 രൂപയും വർധിച്ചിട്ടുണ്ട്. ഇന്ന് രാവിലേയും സ്വർണവില വർധിച്ചിരുന്നു. ഇന്ന് രാവിലെ(28/01/2026) സ്വർണവില ഗ്രാമിന് 295 രൂപ വർധിച്ച് 15,140 രൂപയായിരുന്നു.
പവൻ വില ഗ്രാമിന് 2360 രൂപ വർധിച്ച് 1,21,120 രൂപയായും ഉയർന്നിരുന്നു. ഇതിന് പിന്നാലെയാണ് ഉച്ചക്ക് ശേഷവും വില വർധനവ് ഉണ്ടാവുന്നത്.ആഗോള വിപണിയിൽ സ്പോട്ട് ഗോൾഡിൻ്റെ വിലയിൽ ഔൺസിന് 208.55 ഡോളറിൻ്റെ വർധനവുണ്ടായി. 5,293 ഡോളറിലാണ് സ്വർണത്തിൻ്റെ വ്യാപാരം ആഗോള വിപണിയിൽ പുരോഗമിക്കുന്നത്. 4.10 ശതമാനം നേട്ടമാണ് ആഗോള വിപണിയിൽ സ്വർണത്തിന് ഉണ്ടായത്.
Post a Comment