കുടിയാൻമല ഹൈസ്കൂള് സുവര്ണ ജൂബിലി
പയ്യാവൂർ:കുടിയാൻമല മേരി ക്യൂൻസ് ഹൈസ്കൂളിന്റെ സുവർണ ജൂബിലി ജനുവരി 8,9 തീയതികളില് ആഘോഷിക്കും. എട്ടിന് സ്കൂള് വാർഷികവും അദ്ധ്യാപകരുടെ യാത്രയയപ്പ് സമ്മേളനവും സുവർണ ജൂബിലി സ്മാരകമായി നിർമിക്കുന്ന സ്കൂള് കമാനം, ഗേറ്റ് എന്നിവയുടെ ഉദ്ഘാടനവും നടത്തും.
സ്കൂളിലെ 1987 എസ്.എസ്.എല്.സി ബാച്ച് പൂർവ വിദ്യാർത്ഥികളാണ് കമാനം നിർമിച്ച് നല്കുന്നത്. ജനുവരി 9ന് ജൂബിലി ആഘോഷവും പൂർവ വിദ്യാർത്ഥി സംഗമവും നടക്കും. ജൂബിലി ആഘോഷങ്ങളുടെ സുഗമമായ നടത്തിപ്പിനായി സ്കൂള് മാനേജർ ഫാ.പോള് വള്ളോപ്പിള്ളി ചെയർമാനായും പ്രധാനാദ്ധ്യാപകൻ സുനില് ജോസഫ് ജനറല് കണ്വീനറായും ബിജു ഫ്രാൻസിസ് കിഴക്കയില് ചീഫ് പ്രോഗ്രാം കോ ഓർഡിനേറ്ററായും പത്തംഗ കോർ കമ്മിറ്റിയും വിവിധ കമ്മിറ്റികളുടെ കണ്വീനർമാരും അടങ്ങുന്ന സംഘാടക സമിതി രൂപീകരിച്ചു. സുവർണ ജൂബിലി ലോഗോ, പോസ്റ്റർ പ്രകാശനം 18ന് സ്കൂള് ഓഡിറ്റോറിയത്തില് നടക്കും.
إرسال تعليق