'ഞരമ്പിന് മുറിവേറ്റു, വൈകിയിരുന്നെങ്കിൽ ചലനശേഷി നഷ്ടപ്പെട്ടേനെ'; പരിക്കേറ്റ വിനായകൻ ആശുപത്രി വിട്ടു
ആട് 3 ചിത്രീകരണത്തിനിടെ പരിക്കേറ്റ നടൻ വിനായകൻ ആശുപത്രി വിട്ടു. ദിവസങ്ങള്ക്ക് മുമ്പ് തിരിച്ചെന്തൂരില് ആട് 3യുടെ സംഘട്ടന രംഗങ്ങള്ക്കിടെയാണ് വിനായകന് പരുക്കേറ്റത്. 'കഴുത്തിന്റെ ഞരമ്പിന് മുറിവേറ്റു, രണ്ടുദിവസം മുമ്പ് അറിഞ്ഞു ഇല്ലെങ്കിൽ ചലനശേഷി നഷ്ടപ്പെട്ടേനെയെന്ന്' ആശുപത്രിവിട്ട വിനായകൻ മാധ്യമങ്ങളോട് പ്രതികരിച്ചു. ജീപ്പ് ഉള്പ്പെടുന്ന സംഘട്ടന രംഗങ്ങള്ക്കിടെ വിനായകന് പേശികള്ക്ക് ക്ഷതമേല്ക്കുകയായിരുന്നു. തുടര്ന്ന് ശനിയാഴ്ച കൊച്ചിയിലെ സ്വകാര്യ ആശുപത്രിയില് വിനായകൻ ചികിത്സ തേടി. പിന്നീട് നടത്തിയ എംആര്ഐ സ്കാനിലാണ് പേശികള്ക്ക് സാരമായ ക്ഷതം കണ്ടെത്തിയത്.
إرسال تعليق