പട്ടാപ്പകൽ, ഒരു രക്ഷയുമില്ല, ഭയന്ന് വിറച്ച് പ്രദേശവാസികൾ, നട്ടുച്ചക്ക് പുലിയിറങ്ങി, ആടിനെ കൊന്ന് തിന്നു

കൽപ്പറ്റ :പട്ടാപ്പകലും പുലിപ്പേടിയിൽ വയനാട് ചുള്ളിയോട് പ്രദേശവാസികൾ. ചുള്ളിയോട് പാടിപറമ്പിൽ ഇന്ന് ഉച്ചക്ക് 2 മണിയോടെ നാട്ടിലിറങ്ങിയ പുലി പ്രദേശവാസിയുടെ ആടിനെ പിടികൂടി കൊന്നു തിന്നു. വീട്ടുകാർ ബഹളം വച്ചതിനെ തുടർന്ന് പാതി ഭക്ഷിച്ച ആടിനെ ഉപേക്ഷിച്ച് പുലി പോകുകയായിരുന്നു.മുൻപും പ്രദേശത്ത് പുലിയിറങ്ങിയിരുന്നു. ഇതേ വ്യക്തിയുടെ തന്നെ ആടിനെ പുലി പിടികൂടിയിരുന്നു.