തിരഞ്ഞെടുപ്പ് കമ്മീഷനെതിരെ വീണ്ടും വിമർശനവുമായി ലോക്സഭാ പ്രതിപക്ഷ നേതാവ് രാഹുൽ ഗാന്ധി. വോട്ട് കൊള്ളയുമായി തിരഞ്ഞെടുപ്പ് കമ്മീഷൻ ഗ്യാനേഷ് കുമാർ ഒഴികഴിവുകൾ പറയുന്നത് നിർത്തണമെന്ന് രാഹുൽ ഗാന്ധി പറഞ്ഞു. തെളിവുകൾ കർണാടക സിഐഡിക്ക് വിടണമെന്നും രാഹുൽ ഗാന്ധി ആവശ്യപ്പെട്ടു. ഫേസ്ബുക്കിൽ പങ്കുവെച്ച കുറിപ്പിലാണ് രാഹുൽ ഗാന്ധി ഇക്കാര്യങ്ങൾ ആവശ്യപ്പെട്ടത്.
തങ്ങളുടെ അലന്ദ് സ്ഥാനാർത്ഥി തട്ടിപ്പ് വെളിപ്പെടുത്തിയതിനുശേഷം പ്രാദേശിക തിരഞ്ഞെടുപ്പ് കമ്മീഷൻ ഉദ്യോഗസ്ഥൻ എഫ്ഐആർ ഫയൽ ചെയ്തുവെന്നും എന്നാൽ സിഐഡി അന്വേഷണം സിഇസി തടഞ്ഞുവെന്നും രാഹുൽ ഗാന്ധി ആരോപിച്ചു. പിന്നീട് എല്ലാ തെളിവുകളും ആവശ്യപ്പെട്ട് കർണാടക സിഐഡി 18 മാസത്തിനുള്ളിൽ 18 കത്തുകൾ എഴുതിയെന്നും എന്നാൽ ഇതും സിഇസി തടഞ്ഞുവെന്നും രാഹുൽ ഗാന്ധി കുറിച്ചു.
അന്വേഷണവുമായി പൊരുത്തപ്പെടാൻ കർണാടക തിരഞ്ഞെടുപ്പ് കമ്മീഷൻ ഇസിഐക്ക് ഒന്നിലധികം അഭ്യർത്ഥനകൾ അയച്ചുവെന്നും അതും സിഇസി തടഞ്ഞുവെന്നും രാഹുൽ ഗാന്ധി കുറിച്ചു. ഈ വോട്ട് മോഷണം പിടിക്കപ്പെട്ടില്ലായിരുന്നെങ്കിൽ, 6,018 വോട്ടുകൾ ഇല്ലാതാക്കിയിരുന്നെങ്കിൽ, ഞങ്ങളുടെ സ്ഥാനാർത്ഥി തിരഞ്ഞെടുപ്പിൽ തോൽക്കുമായിരുന്നുവെന്നും രാഹുൽ കുറിച്ചു
Post a Comment