കൊല്ലം: കൊല്ലത്ത് നിലവാരമില്ലാത്ത വെളിച്ചെണ്ണ പിടികൂടി. വ്യാജ ലേബലോട് കൂടിയ വെളിച്ചെണ്ണയാണ് പിടികൂടിയത്. 5800 ലിറ്റർ വെളിച്ചെണ്ണ ഭക്ഷ്യസുരക്ഷ വിഭാഗം പിടികൂടിയിട്ടുണ്ട്. കേര സൂര്യ, കേര ഹരിതം എന്നീ പേരുകളിൽ ഉള്ള എണ്ണയാണ് പിടികൂടിയത്. വെളിച്ചെണ്ണയുടെ വില സാധാരണക്കാരന് താങ്ങാന് സാധിക്കാത്ത സാഹചര്യമാണ് നിലവില്. ഈ സാഹചര്യത്തിലാണ് വലിയ അളവില് നിലവാരമില്ലാത്ത വെളിച്ചെണ്ണ പിടികൂടിയിരിക്കുന്നത്.
സംസ്ഥാനത്ത് കുതിച്ചുയർന്ന വെളിച്ചെണ്ണ വിലക്കയറ്റം നിയന്ത്രണ വിധേയമാക്കാനുള്ള സർക്കാർ നടപടികൾ തുടങ്ങിയിട്ടുണ്ട്. ഇന്നലെ മുതൽ സപ്ലെക്കോ ഔട്ട്ലറ്റുകൾ വഴി ലിറ്ററിന് 457 രൂപക്ക് വെളിച്ചെണ്ണ വിൽപ്പന ആരംഭിക്കുമെന്നും ഭക്ഷ്യ സിവിൽ സപ്ലൈസ് മന്ത്രി ജി ആർ അനിൽ പ്രഖ്യാപിച്ചിരുന്നു. ഒരു കാർഡിന് ഒരു ലിറ്റർ മാത്രമായിരിക്കും വെളിച്ചെണ്ണ ലഭിക്കുക. സപ്ലൈക്കോയിൽ ശബരി വെളിച്ചെണ്ണയും ഒരു ലിറ്റർ ക്രമത്തിൽ വിൽക്കുമെന്ന് മന്ത്രി വ്യക്തമാക്കി. അധിക ലാഭം ഒഴിവാക്കാൻ സംരംഭകരുമായി നടത്തിയ ചർച്ചക്ക് ശേഷം കഴിഞ്ഞ ദിവസമാണ് ഭക്ഷ്യ സിവിൽ സപ്ലൈസ് മന്ത്രി ഇക്കാര്യം വ്യക്തമാക്കിയത്. കേരഫെഡ് ലാഭം ഒഴിവാക്കി സഹകരിക്കാമെന്ന് അറിയിച്ച മന്ത്രി, കേരഫെഡ് ഹോൾസെയിൽ വില മാത്രമേ ഈടാക്കു എന്നും വിവരിച്ചിരുന്നു.
إرسال تعليق