അന്തരിച്ച മുന് മുഖ്യമന്ത്രിയും മുതിര്ന്ന കമ്യൂണിസ്റ്റ് നേതാവുമായ വി എസ് അച്യുതാനന്ദനെ സാമൂഹിക മാധ്യമങ്ങളില് അധിക്ഷേപിച്ച ജമാഅത്തെ ഇസ്ലാമി നേതാവ് ഹമീദ് വാണിയമ്പലത്തിന്റെ മകന് യസീന് അഹമ്മദ് അറസ്റ്റില്. ഡിവൈഎഫ്ഐയുടെ പരാതിയിലാണ് പൊലീസ് നടപടി.
വിഎസിനെ സാമൂഹ്യമാധ്യമങ്ങളിലൂടെ അവഹേളിച്ച നഗരൂര് നെടുംപറമ്പ് സ്വദേശി വി. അനൂപിനെ നേരത്തെ അറസ്റ്റ് ചെയ്തിരുന്നു. നഗരൂര് പൊലീസ് ആണ് ഇയാളെ കസ്റ്റഡിയില് എടുത്തത്.ആറ്റിങ്ങല് ഗവണ്മെന്റ് ബോയ്സ് ഹയര് സെക്കന്ററി സ്കൂളിലെ അദ്ധ്യാപകന് അനൂപ്. വി എസ്സിന്റെ മരണ വാര്ത്ത അറിഞ്ഞപ്പോള് അധിക്ഷേപിച്ചു കൊണ്ടാണ് അനൂപ് വാട്സാപ്പില് സ്റ്റാറ്റസ് ഇട്ടത്. ഇതിനെതിരെ വ്യാപക പ്രതിഷേധം ഉയര്ന്നിട്ടുണ്ട്.
അതേസമയം, ജനസാഗരത്തിന് നടുവിലൂടെ വിഎസിന്റെ വിലാപയാത്ര തുരുകയാണ്. ദര്ബാര് ഹാളില് നിന്ന് ഉച്ചയ്ക്ക് രണ്ട് മണിയോടെ തുടങ്ങിയ യാത്ര ഇനിയും തിരുവനന്തപുരം പിന്നിട്ടിട്ടില്ല. പട്ടം – കേശവദാസപുരം, ഉള്ളൂര് എന്നിവിടങ്ങളിലെല്ലാം നിരവധിപേര് സഖാവിനെ ഒരുനോക്ക് കാണാന് തടിച്ചുകൂടി.
കഴക്കൂട്ടത്തും അന്ത്യാഭിവാദ്യങ്ങള് അര്പ്പിക്കാനെത്തിയ ജനങ്ങളെക്കൊണ്ട് വഴികള് നിറഞ്ഞു. വയോധികര് അടക്കം നിരവധിപേരാണ് വിഎസിനെ അവസാനമായി കാണാന് എത്തിയത്. കഴക്കൂട്ടത്ത് മൈക്കിലൂടെ വിളിച്ചുപറഞ്ഞാണ് ജനങ്ങളെ വഴിയില് നിന്ന് മാറ്റുന്നത്. റോഡിന് ഇരുവശത്തും തിങ്ങി നിറഞ്ഞിരിക്കുന്ന ജനങ്ങള്ക്ക് നടുവിലൂടെ പതുക്കെയാണ് വിലാപയാത്ര കടന്നുപോകുന്നത്.
إرسال تعليق