വെഞ്ഞാറമൂട് കൂട്ടക്കൊലപാതക കേസിലെ പ്രതി അഫാന്റെ ആത്മഹത്യ ശ്രമവുമായി ബന്ധപ്പെട്ട് പ്രതികരണവുമായി പിതാവ്. അഫാന് ചെയ്തതിന്റെ ഫലം അഫാന് തന്നെ അനുഭവിക്കട്ടെയെന്ന് പിതാവ് അബ്ദുല് റഹിം ട്വന്റിഫോറിനോട് പറഞ്ഞു.
അവന് ചെയ്തതിന്റെ ഫലം അവന് തന്നെ അനുഭവിക്കട്ടെ. അതില് കൂടുതല് മറ്റൊന്നും പറയാനില്ല. എന്താണ് ചെയ്തതെന്ന് അഫാന് കൃത്യമായി അറിയാമല്ലോ. അപ്പോള് അനുഭവിക്കുക തന്നെ വേണം – പിതാവ് പറഞ്ഞു. അഫാന് ഗുരുതര സാഹചര്യത്തില് തിരുവനന്തപുരം മെഡിക്കല് കോളേജില് തുടരുകയാണ്.
അതേസമയം, അഫാന് പൂജപ്പുര ജയിലില് ആത്മഹത്യക്ക് ശ്രമിച്ചതില് ജയില് ഉദ്യോഗസ്ഥര്ക്ക് വീഴ്ചയില്ലെന്ന് റിപ്പോര്ട്ട്. ജയില് സൂപ്രണ്ട് ജയില് മേധാവിക്ക് റിപ്പോര്ട്ട് നല്കി. ഉദ്യോഗസ്ഥരുടെ സംയോജിത ഇടപെടലാണ് ജീവന് രക്ഷിക്കാന് കാരണമെന്നും റിപ്പോര്ട്ടില് പറയുന്നു.
യുടിബി ബ്ലോക്കിലെ ശുചിമുറിയിലാണ് അഫാന് ജീവനൊടുക്കാന് ശ്രമിച്ചത്. ഉണക്കാന് ഇട്ടിരുന്ന മുണ്ട് ഉപയോഗിച്ചാണ് തൂങ്ങിയത്. ഇന്ന് രാവിലെ 11. 30ടെയാണ് ആത്മഹത്യ ശ്രമം. ഡ്യൂട്ടി ഉദ്യോഗസ്ഥന് ശബ്ദം കേട്ട് നോക്കിയപ്പോഴാണ് അഫാന് ശുചിമുറിയില് തൂങ്ങിയത് കണ്ടത്. ഉടന് മെഡിക്കല് കോളജ് ആശുപത്രിയിലേക്ക് എത്തിച്ചു.
إرسال تعليق