കണ്ണൂരില് യൂട്യൂബ് നോക്കി വണ്ണം കുറയ്ക്കാന് ഡയറ്റെടുത്ത കൗമാരക്കാരിക്ക് ദാരുണാന്ത്യം. കണ്ണൂര് കൂത്തുപറമ്പ് മെരുവമ്പായി സ്വദേശി 18 കാരിയായ ശ്രീനന്ദയാണ് മരിച്ചത്. തലശ്ശേരി സഹകരണ ആശുപത്രിയില് ഗുരുതര ആരോഗ്യ പ്രശ്നങ്ങളെ തുടര്ന്ന് ചികിത്സയില് കഴിയുന്നതിനിടെയാണ് പെണ്കുട്ടിയുടെ മരണം.
വണ്ണം കുറയ്ക്കാന് വളരെ കുറച്ച് ഭക്ഷണം മാത്രം കഴിച്ചിരുന്ന ശ്രീനന്ദയുടെ ആമാശയവും അന്നനാളവും ഉള്പ്പെടെ ചുരുങ്ങിപ്പോയിരുന്നു. ഇതേ തുടര്ന്ന് ശ്രീനന്ദയ്ക്ക് ഗുരുതര ആരോഗ്യ പ്രശ്നങ്ങളുണ്ടായി. തുടര്ന്ന് കോഴിക്കോട് മെഡിക്കല് കോളജില് ഉള്പ്പെടെ പെണ്കുട്ടി ചികിത്സ തേടിയിരുന്നു. ആരോഗ്യ നില ഗുരുതരമായതിനെ തുടര്ന്ന് തലശ്ശേരി സഹകരണ ആശുപത്രിയിലേക്ക് മാറ്റുകയായിരുന്നു.
إرسال تعليق