കർണാടകയിൽ മൂന്നുപേരെ തട്ടിക്കൊണ്ടുപോയി സ്വകാര്യഭാഗങ്ങളിൽ ഷോക്കേൽപ്പിച്ച് പീഡിപ്പിച്ചു

കർണാടകയിലെ കൽബുർഗി ജില്ലയിലാണ് സംഭവം. മൂന്ന് കാർ ഡീലർമാരെ തട്ടിക്കൊണ്ടുപോയാണ് അവരുടെ സ്വകാര്യഭാഗങ്ങളിൽ വൈദ്യുതി പ്രവഹിച്ച് ഷോക്കേൽപ്പിച്ച് പീഡിപ്പിച്ചത്.

സമൂഹമാധ്യമങ്ങളിൽ വൈറലായ വീഡിയോയിൽ തട്ടിക്കൊണ്ടുപോയവർ നഗ്നരായിരിക്കുന്ന മൂന്ന് പുരുഷന്മാരുടെ സ്വകാര്യ ഭാഗങ്ങളിൽ വൈദ്യുതി ഷോക്കേൽപ്പിക്കുന്നത് കാണിക്കുന്നുണ്ട്.

മൂന്ന് പേരെ ക്രൂരമായി മർദിച്ചതിന് ഏഴ് പേരെ ശനിയാഴ്ച പോലീസ് അറസ്റ്റ് ചെയ്തു.

ഒറ്റപ്പെട്ട സ്ഥലത്ത് തടവിലാക്കിയ ഇരകളെ വടികൊണ്ട് ശാരീരികമായി ആക്രമിക്കുകയും പണത്തിനായി നിർബന്ധിക്കുകയും ചെയ്തു. കൂടുതൽ പണം ആവശ്യപ്പെട്ട് പ്രതികൾ ഇരകളെ കൂടുതൽ പീഡിപ്പിക്കുകയായിരുന്നു.

സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.