സെ​യി​ല്‍​സ്മാ​ന്‍റെ വാ​ച​ക​മ​ടി​യി​ല്‍ വീ​ണു; ആ​രോ​ഗ്യം വീ​ണ്ടെ​ടു​ക്കാ​ന്‍ വാ​ങ്ങി​യ ഉ​പ​ക​ര​ണം വ​യോ​ധി​ക​ന് വി​ന​യാ​യി; ര​ണ്ട് ഓ​പ്പ​റേ​ഷ​ൻ ന​ട​ത്തി ഇ​പ്പോ​ൾ വീ​ട്ടി​ൽ ചി​കി​ത്സ​യി​ൽ

ചേ​ര്‍​ത്ത​ല: വീ​ട്ടി​ലെ​ത്തി​യ സെ​യി​ല്‍​സ്മാ​ന്‍റെ വാ​ക്ക് വി​ശ്വ​സി​ച്ച് ആ​രോ​ഗ്യം വീ​ണ്ടെ​ടു​ക്കാ​നു​ള്ള ഉ​പ​ക​ര​ണം വാ​ങ്ങി​യ വ​യോ​ധി​ക​ന്‍ ഗു​രു​ത​ര​മാ​യ അ​വ​സ്ഥ​യി​ലാ​യി. നാ​ഡി​ക​ളെ ഉ​ണ​ര്‍​ത്തു​ന്ന​തെ​ന്ന പേ​രി​ലി​റ​ക്കി​യ വാം ​അ​പ്പ് മെ​ഷീ​ന്‍ വാ​ങ്ങി​യ ചേ​ര്‍​ത്ത​ല ചാ​ലി​ല്‍​നി​ക​ര്‍​ത്തി​ല്‍ കെ.​ഡി. നി​ശാ​ക​ര​നാ​ണ് കാ​ല്‍ മു​റി​ച്ചു​മാ​റ്റേ​ണ്ട അവസ്ഥയിൽ ആ​ശു​പ​ത്രി​യി​ലാ​യ​ത്. ശ​രീ​ര​ത്തി​ലെ നാ​ഡി​ക​ളെ ഉ​ത്തേ​ജി​പ്പി​ക്കു​ന്ന മെ​ഷീ​നാ​ണെ​ന്നാ​ണ് സെ​യി​ല്‍​സ്മാ​ന്‍ നി​ശാ​ക​ര​നെ പ​റ​ഞ്ഞു​വി​ശ്വ​സി​പ്പി​ച്ച​ത്.

വൈ​ദ്യു​തി ഉ​പ​യോ​ഗി​ച്ചാ​ണ് ഇ​തി​ന്‍റെ പ്ര​വ​ര്‍​ത്ത​നം. വൈ​ദ്യു​തി ഓ​ണ്‍ ആ​ക്കു​മ്പോ​ള്‍ ഉ​പ​ക​ര​ണം സ്വ​യം ചൂ​ടാ​കും. ശ​രീ​ര​ത്തി​ന്‍റെ ഏ​തു​ഭാ​ഗ​ത്തു​ള്ള നാ​ഡി​ക​ളാ​ണ് ഉ​ത്തേ​ജി​പ്പി​ക്കേ​ണ്ട​തെ​ങ്കി​ല്‍ അ​വി​ടെ ഈ ​ഉ​പ​ക​ര​ണം ചു​റ്റി​യ​തി​നു​ശേ​ഷം അ​തി​ലു​ള്ള വ​യ​ര്‍ വൈ​ദ്യു​തി​യി​ല്‍ ക​ണ​ക്ട് ചെ​യ്ത് സ്വി​ച്ച് ഓ​ണ്‍ ആ​ക്ക​ണം. ഇ​ങ്ങ​നെ കാ​ലി​ന്‍റെ ഭാ​ഗ​ത്തെ നാ​ഡി​യു​ടെ ആ​രോ​ഗ്യം വീ​ണ്ടെ​ടു​ക്കാ​നാ​യി കാ​ലി​ല്‍ ഉ​പ​ക​ര​ണം ചു​റ്റി​യ​തി​നു​ശേ​ഷം വൈ​ദ്യു​തി​യു​ടെ സ്വി​ച്ച് ഓ​ണ്‍ ചെ​യ്തു.

ആ​ദ്യം ചെ​റു​താ​യി ചൂ​ടാ​യ ഉ​പ​ക​ര​ണം, പെ​ട്ട​ന്ന് ഉ​യ​ര്‍​ന്ന ചൂ​ടി​ലെ​ത്തി. അ​തോ​ടെ കാ​ലി​ല്‍ ഗു​രു​ത​ര​മാ​യ പൊ​ള്ള​ലേ​റ്റു. തു​ട​ര്‍​ന്ന് കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ച് ര​ണ്ടു ശ​സ്ത്ര​ക്രി​യ​ക​ള്‍ ന​ട​ത്തി. ഇ​തു സം​ബ​ന്ധി​ച്ച് മ​ക​ന്‍ ഒ.​എ​ന്‍. സ​ന​ല്‍​കു​മാ​ര്‍ പോ​ലീ​സി​ല്‍ പ​രാ​തി ന​ല്‍​കു​ക​യാ​യി​രു​ന്നു.

പ​രാ​തി പ​രി​ഗ​ണി​ച്ച പോ​ലീ​സ് ഇ​ട​പെ​ട്ട് ഉ​ത്പ​ന്ന നി​ര്‍​മാ​താ​ക്ക​ളാ​യ സ്വ​കാ​ര്യ ക​മ്പ​നി പ്ര​തി​നി​ധി​ക​ളെ വി​ളി​ച്ചു​വ​രു​ത്തു​ക​യും ന​ഷ്ട​പ​രി​ഹാ​ര​മാ​യി 1.20 ല​ക്ഷം രൂ​പ​യു​ടെ ചെ​ക്ക് വാ​ങ്ങി​ന​ല്‍​കു​ക​യും ചെ​യ്തു. എ​ന്നാ​ല്‍, ചെ​ക്കി​ലെ പി​ശ​കു​മൂ​ലം പ​ണം ല​ഭി​ച്ചി​ല്ല. ഇ​തു പ​രി​ഹ​രി​ക്കാ​ന്‍ എ​റ​ണാ​കു​ള​ത്തെ ക​മ്പ​നി​യി​ലേ​ക്കു മ​ക​ന്‍ സു​നി​ല്‍​കു​മാ​റി​നെ വി​ളി​ച്ചു​വ​രു​ത്തി ഓ​ഫീ​സ് മു​റി​യി​ല്‍ പൂ​ട്ടി​യി​ട്ട​ത്രേ. തു​ട​ര്‍​ന്ന് നാ​ട്ടു​കാ​ര്‍ കൂ​ട്ട​മാ​യെ​ത്തി​യാ​ണ് പു​റ​ത്തി​റ​ക്കി​യ​തെ​ന്നും സു​നി​ല്‍​കു​മാ​ര്‍ പ​റ​ഞ്ഞു.

പ്രാ​യ​മാ​യ അ​ച്ഛ​നും അ​മ്മ​യും മാ​ത്രം വീ​ട്ടി​ലു​ള്ള​പ്പോ​ഴാ​ണ് വി​ല്പ​ന​ക്കാ​ര​ന്‍ വീ​ട്ടി​ലെ​ത്തി ഉ​ത്പ​ന്നം വി​റ്റ​തെ​ന്ന് മ​ക​ന്‍ സ​നി​ല്‍​കു​മാ​റും മ​രു​മ​ക​ള്‍ ശാ​രി​യും പ​റ​ഞ്ഞു. വൈ​ദ്യുതി​യി​ല്‍ പ്ര​വ​ര്‍​ത്തി​പ്പി​ക്കു​ന്ന ഉ​പ​ക​ര​ണ​ത്തി​നു സു​ര​ക്ഷാ സം​വി​ധാ​ന​ങ്ങ​ളൊ​ന്നു​മി​ല്ലെ​ന്ന് ബ​ന്ധു​ക്ക​ള്‍ ആ​രോ​പി​ച്ചു. 850 രൂ​പ വി​ല​വ​രു​ന്ന ഉ​പ​ക​ര​ണ​മാ​ണ് നി​ശാ​ക​ര​നു കൊ​ടു​ത്ത​ത്.

ഇ​തു ത​വ​ണ​ക​ളാ​യി കൊ​ടു​ത്താ​ല്‍ മ​തി​യെ​ന്ന വ്യ​വ​സ്ഥ​യി​ലാ​ണ് വി​ല്പ​ന ന​ട​ത്തി​യ​ത്. ജ​നു​വ​രി 13നാ​ണ് ഇ​തു​വാ​ങ്ങി ഉ​പ​യോ​ഗി​ച്ച​ത്. തു​ട​ര്‍​ന്ന് 29 ദി​വ​സ​മാ​ണ് കോ​ട്ട​യം മെ​ഡി​ക്ക​ല്‍ കോ​ളജി​ല്‍ കി​ട​ന്ന​ത്.

ആ​ശു​പ​ത്രി​യി​ല്‍ ചി​കി​ത്സ​യി​ലി​രി​ക്കെ​യാ​ണ് പ​രാ​തി ന​ല്‍​കി​യ​ത്. ഇ​തേ തു​ട​ര്‍​ന്ന് ക​മ്പ​നി പ്ര​തി​നി​ധി​ക​ളെ​ത്തി പോ​ലീ​സി​ന്‍റെ സാ​ന്നി​ധ്യ​ത്തി​ല്‍ ച​ര്‍​ച്ച​ന​ട​ത്തി​യ​തും ചി​കി​ത്സാ സ​ഹാ​യ​മാ​യി 1.20 ല​ക്ഷ​ത്തി​ന്‍റെ ചെ​ക്കു ന​ല്‍​കി​യ​തും.എ​ന്നാ​ല്‍, അ​ശാ​സ്ത്രീ​യ​മാ​യ രീ​തി​യി​ല്‍ ഉ​പ​ക​ര​ണം ഉ​പ​യോ​ഗി​ച്ച​താ​ണ് അ​പ​ക​ട​ത്തി​നു കാ​ര​ണ​മെ​ന്നാ​ണ് മെ​ഡി​ക്ക​ല്‍ റി​പ്പോ​ര്‍​ട്ട്.