തിരുവനന്തപുരം : മോന്സണ് മാവുങ്കല് സാമ്പത്തിക തട്ടിപ്പ് കേസില് കെപിസിസി പ്രസിഡന്റെ് കെ സുധകാരന് എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ് . ചോദ്യം ചെയ്യലിന് അടുത്താഴ്ച കൊച്ചിയിലെ ഓഫീസില് ഹാജരാകന് ഇഡി നിര്ദേശം . കേസില് ഐജി ജി ലക്ഷ്മണിനേയും റിട്ട.ഡിഐജി എസ് സുരേന്ദ്രനെയും ഇഡി ചോദ്യം ചെയ്യും.
പുരാവസ്തു തട്ടിപ്പിലെ സാമ്പത്തിക ഇടപാട് കേസിൽ കെ സുധാകരനും. മുൻ ഡിഐജി എസ് സുരേന്ദ്രനും ഹൈക്കോടതി സ്ഥിരം ജാമ്യം നൽകിയിട്ടുണ്ട്.. അന്വേഷണവുമായി സഹകരിക്കണമെന്നും സാക്ഷികളെ സ്വാധീനിക്കാൻ ശ്രമിക്കരുതെന്നുമുള്ള നിർദ്ദേശത്തോടെയാണ് നടപടി. ഇരുവരും അന്വേഷണവുമായി സഹകരിക്കുന്നുണ്ടെന്ന് സർക്കാർ കോടതിയെ അറയിച്ചതിനാൽ ജാമ്യ ഹർജി തീർപ്പാക്കി.
അതേസമയം കേസില് പ്രതിസ്ഥാനത്തുള്ള ഐജി ലക്ഷ്മണ് ഇതുവരെ ക്രൈംബ്രാഞ്ചിന് മുന്നില് ചോദ്യം ചെയ്യലിന് ഹാജരായിട്ടില്ല. എന്നാല് ലക്ഷ്മണിനെയും ചോദ്യം ചെയ്യലിന് ഹാജരാകാന് ഇഡി നിര്ദേശം നല്കിയിട്ടുണ്ട്. ചികിത്സയിലായതിനാല് സമയം നീട്ടി നല്കണമെന്ന് ക്രൈംബ്രാഞ്ചിന് കത്ത് നല്കിയിട്ടുണ്ട്.
കളമശ്ശേരിയിലെ ക്രൈംബ്രാഞ്ച് ഓഫീസില് ഹാജരാകാനായിരുന്നു ലക്ഷ്മണയ്ക്ക് നിര്ദേശം നല്കിയിരുന്നത്. രണ്ട് തവണയാണ് ഐജി ചോദ്യം ചെയ്യലിന് ഹാജരാകാതെ സമയം നീട്ടി ചോദിച്ചത് . കേസുമായി ബന്ധപ്പെട്ട് കൂടുതല് ആളുകളെ ചോദ്യം ചെയ്യാനും കൂടുതല് പേരുടെ മൊഴിയെടുക്കാനുമാണ് ഇഡി നീക്കം.
Post a Comment