മംഗളൂരു: മംഗളൂരുവിനടുത്ത് യുവാവിവനെ വെട്ടികൊലപ്പെടുത്തിയ കേസിലെ പ്രതികളെ തിരിച്ചറിഞ്ഞെന്ന് പൊലീസ്. മംഗൽപെട്ട ചൊർക്കള സ്വദേശി ഫാസിലിനെ വ്യാഴാഴ്ചയാണ് കാറിലെത്തിയ സംഘം വെട്ടിക്കൊലപ്പെടുത്തിയത്. അതേസമയം മംഗളൂരിവിൽ നിരോധനാജ്ഞ പ്രഖ്യാപിച്ചു. സൂരത്ത്ക്കൽ, മുല്‍ക്കി, ബജ്പെ, പനമ്പൂർ പൊലീസ് സ്റ്റേഷൻ പരിധികളിലാണ് നിരോധനാജ്ഞ പ്രഖ്യാപിച്ചിരിക്കുന്നത്.
സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിരുന്നു. സുള്ള്യ കൊലപാതകവുമായി സംഭവത്തിന് ബന്ധമുണ്ടോയെന്നും അന്വേഷിക്കുന്നതായി സിറ്റി പൊലീസ് കമ്മീഷൺ പറഞ്ഞു. യുവമോര്‍ച്ച നേതാവിന്റെ കൊലപാതകത്തിന് പിന്നാലെയാണ് മറ്റൊരു കൊലപാതകം നടന്നത്. മംഗളൂരുവിൽ തുണിക്കട നടത്തുന്നയാളാണ് ഫാസിൽ. ഇയാളുടെ കടയുടെ മുന്നിൽ വച്ചാണ് അക്രമികൾ വെട്ടിക്കൊലപ്പെടുത്തിയത്.
Post a Comment