സ്വകാര്യ ബസിന്റെ പിഴവല്ല, രണ്ട് പെൺകുട്ടികളുടെ ജീവനെടുത്തത് റോഡിലെ ആ സൊറ പറച്ചിൽ!
കോട്ടയം പാമ്പാടിയിൽ രണ്ട് പെൺകുട്ടികളുടെ ജീവനാണ് റോഡിൽ പൊലിഞ്ഞുപോയത്. വിദേശത്ത് ഉപരിപഠനം കഴിഞ്ഞ് കോൺവൊക്കേഷനായി കാത്തിരുന്ന കൃപയും, ഉന്നതപഠന സ്വപ്നങ്ങളുമായി ബംഗളൂരുവിൽ നിന്നെത്തിയ ആഷ്‌ലിയും. അപകടവാർത്ത കേൾക്കുമ്പോൾ ആദ്യം എല്ലാവരും ബസിനെയോ കാറിനെയോ കുറ്റം പറഞ്ഞേക്കാം. എന്നാൽ ഇവിടെ ബസിന്റെ കുഴപ്പമല്ല, യഥാർത്ഥ വില്ലൻ റോഡരികിൽ സ്കൂട്ടർ നിർത്തി വർത്തമാനം പറഞ്ഞുനിന്നവരുടെ അനാസ്ഥയാണ്!
റോഡിൽ നിന്നവരെ കണ്ട് മുന്നിൽ പോയ കാർ പെട്ടെന്ന് ബ്രേക്കിട്ടു. പിന്നാലെ വന്ന പെൺകുട്ടികൾ സ്കൂട്ടർ പെട്ടെന്ന് ബ്രേക്ക് ചെയ്തപ്പോൾ നിയന്ത്രണം വിട്ട് റോഡിലേക്ക് തെറിച്ചുവീണു, ആ നിമിഷം എതിർദിശയിൽ വന്ന ബസ് കയറിയിറങ്ങി ഇരുവരും സംഭവസ്ഥലത്തുതന്നെ മരിച്ചു.
ഇന്ന് കോട്ടയത്ത് നടന്ന ഈ ദുരന്തം നാളെ നമ്മുടെ നാട്ടിലും നമ്മുടെ സ്വന്തം ആളുകൾക്കും സംഭവിക്കാം. കാരണം, നമ്മുടെ വഴിയോരങ്ങളിലും ഇത്തരത്തിലുള്ള അശ്രദ്ധ സ്ഥിരം കാഴ്ചയാണ്:
* വഴിയിൽ വെച്ച് പരിചയക്കാരെ കാണുമ്പോൾ വണ്ടി റോഡിൽ തന്നെ നിർത്തി സംസാരിക്കുന്നവർ.
* ഇടുങ്ങിയ റോഡുകളിൽ പോലും വാഹനം സൈഡിലേക്ക് ഒതുക്കാതെ കുശലം പറയുന്നവർ.
*ഫോൺ ചെയ്യാനോ സംസാരിക്കാനോ റോഡിന്റെ പകുതി ഭാഗം ബ്ലോക്കാക്കുന്നവർ.
നിങ്ങൾക്ക് അതൊരു നിമിഷത്തെ വർത്തമാനമായിരിക്കാം, പക്ഷേ പുറകിൽ വരുന്നവർക്ക് അത് പെട്ടെന്നുള്ള മരണക്കെണിയാണ്.
ഓർക്കുക:
* റോഡിൽ വെച്ച് ആരെ കണ്ടാലും വണ്ടി വഴിയിൽ നിർത്തി സംസാരിക്കരുത്; വാഹനം സുരക്ഷിതമായ സ്ഥലത്തേക്ക് പൂർണ്ണമായും മാറ്റി പാർക്ക് ചെയ്യുക.
* വളവുകളിലും വീതികുറഞ്ഞ റോഡുകളിലും ഒരു കാരണവശാലും വാഹനം നിർത്തി തടസ്സം ഉണ്ടാക്കരുത്.
* ഇരുചക്രവാഹനങ്ങൾ മുന്നിലെ വാഹനങ്ങളുമായി കൃത്യമായ സുരക്ഷിത അകലം (Safe Distance) പാലിക്കുക.
Post a Comment