കണ്ണൂര് ജില്ലയിലെ വിനോദസഞ്ചാര കേന്ദ്രങ്ങളില് സന്ദര്ശകരുടെ പ്രവേശനത്തിന് താല്ക്കാലികമായ വിലക്ക്
അതി ശക്തമായ മഴ തുടരുന്നതിനാല് കണ്ണൂർ ജില്ലയിലെ വിനോദസഞ്ചാര കേന്ദ്രങ്ങളില് സന്ദർശകരുടെ പ്രവേശനത്തിന് താല്ക്കാലികമായി വിലക്കേർപ്പെടുത്തി. ജില്ലാ ടൂറിസം പ്രമോഷൻ കൗണ്സില് ( ഡിടിപിസി ) ആണ് ഇക്കാര്യം അറിയിച്ചത്.
വെള്ളച്ചാട്ടം, ജലാശയങ്ങളുമായി ബന്ധപ്പെട്ട മറ്റു വിനോദസഞ്ചാര കേന്ദ്രങ്ങള് എന്നിവയിലേക്കുള്ള സന്ദർശകരുടെ പ്രവേശനത്തിനും നിയന്ത്രണമുണ്ട്. മഴ ശക്തമായി തുടരുന്ന സാഹചര്യത്തില് റാഫ്റ്റിങ്, കയാക്കിങ് ഉള്പ്പടെയുള്ളവയ്ക്ക് വിലക്കേർപ്പെടുത്തിയിതായും ഡിടിപിസി അറിയിച്ചു. മഴയുടെ ശക്തി കുറയുന്നതിന് അനുസരിച്ച് നിയന്ത്രണത്തില് ഇളവ് വരുത്തുകയും ചെയ്യും
അതേസമയം കടല് ക്ഷോഭത്തിനുള്ള സാധ്യത കണക്കിലെടുത്ത് ബീച്ചുകളിലേക്ക് ഉള്പ്പെടെ ഉള്ള യാത്ര ഒഴിവാക്കണമെന്നും ഡിടിപിസി അറിയിച്ചു. ബീച്ചുകളോട് അനുബന്ധിച്ചുള്ള പാർക്കുകള് ഉള്പ്പെടെ താല്ക്കാലികമായി അടച്ചിരിക്കുകയാണ്. മുഴപ്പിലങ്ങാട് ബീച്ചിലേക്കുള്ള വാഹനങ്ങളുടെ പ്രവേശനത്തിനും നിലവില് നിരോധനമേർപ്പെടുത്തിയിട്ടുണ്ട്.
Post a Comment