‘അതിജീവിതകളുടെ മാനത്തിന് കോൺഗ്രസ് വില കൽപ്പിക്കുന്നില്ല, ക്രിമിനലുകളെ പിന്താങ്ങിയാൽ വോട്ട് കിട്ടുമെന്ന് കെപിസിസി പ്രസിഡൻ്റ് പ്രതീക്ഷിച്ചിരിക്കാം’; കെ കെ ശൈലജ
അതിജീവിതകളുടെ മാനത്തിന് കോൺഗ്രസ് വില കൽപ്പിക്കുന്നില്ലെന്ന് കെ കെ ശൈലജ. രാഹുല് മാങ്കൂട്ടത്തിലിനെതിരായ രണ്ടാമത്തെ പരാതി പൊലീസിന് കൈമാറിയത് കെപിസിസി പ്രസിഡൻ്റ് തന്നെയാണെന്ന് പറഞ്ഞ കെ കെ ശൈലജ ക്രിമിനലുകളെ പിന്താങ്ങിയാൽ വോട്ട് കിട്ടുമെന്ന് കെ പി സി സി പ്രസിഡൻ്റ് പ്രതീക്ഷിച്ചിരിക്കാമെന്ന് അവര് പറഞ്ഞുവെന്നും കൂട്ടിച്ചേർത്തു.
അൽപ്പം മനസാക്ഷിയുള്ളവർ ഈ ക്രിമിനലിസത്തെ പിന്താങ്ങില്ല. അതിജീവിതകളുടെ മാനത്തിന് കോൺഗ്രസ് വില കൽപ്പിക്കുന്നില്ല. കേരള ജനത അതിക്രമണങ്ങൾക്ക് എതിരാണ്. മുഖ്യമന്ത്രി പറഞ്ഞത് ശരി ആണ്. ഭീകര അതിക്രമം ആണ് ആ പെൺ കുട്ടികൾക്കു നേരിട്ടത്. അതിനാലാണ് മുഖ്യമന്ത്രി സ്ത്രീ ലാംബടൻമാർക്ക് എതിരെ ശക്തമായി പറഞ്ഞത്. ക്രൂര പീഡനമാണ് രാഹുൽ നടത്തിയത് എന്നും കെ കെ ശൈലജ പറഞ്ഞു.
ഇരകൾ ഭീഷണിയിലാണെന്നും കെ കെ ശൈലജ പറഞ്ഞു. പരാതി പറയാതിരിക്കാൻ ഭീഷണി പെടുത്തുന്നുണ്ട്. പൊലീസ് ഗൗരവത്തിൽ ഇടപെടണം. അവർക്ക് പരാതി ഭയമില്ലാതെ പറയാൻ അവസരം ഉണ്ടാകണം. ഇരകൾക്ക് എതിരെ ഉപയോഗിക്കാൻ രാഹുലിന്റെകയ്യിൽ എന്തെങ്കിലും ഉണ്ടെങ്കിൽ പൊലീസ് ഗൗരവത്തിൽ എടുക്കണം. ദിലീപിനെ അനുകൂലിച്ച യുഡിഫ് കൺവീനറുടെ നിലപാട്, കോൺഗ്രസ് നിലപാട്. കേസ് അവസാനിച്ചില്ല. അത് തുടരും. അതിജീവിതക്ക് പൂർണ്ണമായും നീതി കിട്ടണമെന്നും കെ കെ ശൈലജ പറഞ്ഞു.
Post a Comment