ഇരിട്ടി ബ്ലോക്ക് പഞ്ചായത്ത് തില്ലങ്കേരി ഡിവിഷനിൽ എൽഡിഎഫ് സ്ഥാനാർഥിക്ക് റിബൽ ഭീഷണി
തില്ലങ്കേരി പഞ്ചായത്തിലെ 1 മുതൽ അഞ്ചുവരെയുള്ള വാർഡുകളും 13, 14 വാർഡുകളും ചേർന്നതാണ് തില്ലങ്കേരി ഡിവിഷൻ. കഴിഞ്ഞ തിരഞ്ഞെടുപ്പിൽ യുഡിഎഫ് വിജയിച്ച വർഡാണിത്. ഈ വർഷം വാർഡ് പിടിച്ചെടുക്കുന്നതിന്റെ ഭാഗമായി യുഡിഎഫിന് മേൽക്കെയുള്ള വാർഡിലെ ഒരു ഭാഗം ആലയാട് ഡിവിഷനിലേക്ക് മാറ്റിയാണ് എൽഡിഎഫിന് മേൽക്കൈ ഉണ്ടാക്കിയത്. കഴിഞ്ഞ തിരഞ്ഞെടുപ്പിൽ ഒരു സീറ്റിന്റെ ബലത്തിലാണ് യു ഡി എഫ് ബ്ലോക്ക് പഞ്ചായത്ത് ഭരണം പിടിച്ചെടുത്തത്. ചുണ്ടിനും കപ്പിനും ഇടയിൽ നഷ്ടപ്പെട്ടുപോയ ഇരിട്ടി ബ്ലോക്ക് പഞ്ചായത്ത് ഭരണം പിടിച്ചെടുക്കണമെങ്കിൽ തില്ലങ്കേരി ഡിവിഷനിലെ വിജയം എൽഡിഎഫിന് അനിവാര്യമാണ്. റിബൽ സ്ഥാനാർത്ഥിയായി രംഗത്തെത്തിയ പ്രശാന്തൻ മുരിക്കോളി തില്ലങ്കേരി സ്വദേശിയും നേരത്തെ തില്ലങ്കേരി ഡിവിഷനിൽ നിന്നും ബ്ലോക്കിലേക്ക് 400ൽ അധികം വോട്ടിന് വിജയിച്ച ആളുമാണ്. ഇദ്ദേഹം മത്സരംഗത്ത് ഉറച്ചുനിൽക്കുകയാണെങ്കിൽ ഇത് എൽഡിഎഫിന്റെ വിജയ സാധ്യതയെ ബാധിക്കും.
Post a Comment