രാഹുല് ഈശ്വര് കസ്റ്റഡിയില്; സൈബര് അധിക്ഷേപ പരാതിയില് നടപടിയുമായി പൊലീസ്
പാലക്കാട് എംഎല്എ രാഹുല് മാങ്കൂട്ടത്തിലിനെതിരെ പരാതി നല്കിയ യുവതിയെ അപമാനിച്ച സംഭവത്തില് രാഹുല് ഈശ്വറിനെ പൊലീസ് കസ്റ്റഡിയിലെടുത്തു. സൈബര് ഇടത്തില് പരാതിക്കാരിയെ അധിക്ഷേപിച്ച സംഭവത്തിലാണ് രാഹുല് ഈശ്വറിനെ സൈബര് പൊലീസ് കസ്റ്റഡിയിലെടുത്തത്. രാഹുല് മാങ്കൂട്ടത്തിലിനെതിരായ പീഡന കേസില് പരാതിക്കാരിയ്ക്കെതിരായ സൈബര് ആക്രമണത്തില് സൈബര് പൊലീസ് കേസെടുത്തിരുന്നു. സാമൂഹിക മാധ്യമങ്ങളിലൂടെയുള്ള യുവതിക്കെതിരായ സൈബര് ആക്രമണത്തിലാണ് സൈബര് പൊലീസ് കേസെടുത്തിരിക്കുന്നത്.
സൈബര് ആക്രമണവുമായി ബന്ധപ്പെട്ട് യുവതി നല്കിയ പരാതിയില് ഒരോ ജില്ലകളിലും കേസെടുക്കാനാണ് എഡിജിപി വെങ്കിടേഷ് നിര്ദേശിച്ചിരുന്നത്. സൈബര് ആക്രമണത്തില് അറസ്റ്റുണ്ടാകുമെന്നും കര്ശന നടപടിയുണ്ടാകുമെന്നും എഡിജിപി അറിയിക്കുകയും ചെയ്തിരുന്നു. ഇതിന് പിന്നാലെയാണ് രാഹുല് ഈശ്വറിനെ സൈബര് പൊലീസ് കസ്റ്റഡിയിലെടുത്തത്.
Post a Comment