മട്ടന്നൂർ: ഉളിയില് കാറും ബൈക്കും കൂട്ടിയിടിച്ച് ബൈക്ക് യാത്രികന് പരിക്ക്. നിയന്ത്രണം വിട്ട ബൈക്ക് താഴ്ചയിലേക്ക് മറിഞ്ഞു.
ശനിയാഴ്ച ഉച്ചയ്ക്ക് ഒന്നോടെ മട്ടന്നൂർ - ഇരിട്ടി റൂട്ടില് ഉളിയില് പാലത്തിന് സമീപമായിരുന്നു അപകടം.
മട്ടന്നൂർ ഭാഗത്ത് നിന്നെത്തിയ കാർ ഉളിയില് പാലത്തിന് സമീപത്തെ പടിക്കച്ചാല് റോഡിലേക്ക് കയറുന്നതിനിടെ മട്ടന്നൂർ ഭാഗത്ത് നിന്ന് ഇരിട്ടി ഭാഗത്തേക്ക് പോകുകയായിരുന്ന ബൈക്ക് കാറുമായി കൂട്ടിയിടിക്കുകയായിരുന്നു. നിയന്ത്രണം വിട്ട ബൈക്ക് മരത്തി ല് ഇടിച്ച് താഴ്ചയിലേക്ക് മറിയുകയായിരുന്നു.
അപകടത്തില് പരിക്കേറ്റ ബൈക്ക് യാത്രികനെ ആശുപത്രിയില് പ്രവേശിപ്പിച്ചു. ഉളിയില് പാലത്തിന് സമീപം നിരവധി അപകടങ്ങളാണ് അടുത്തകാലത്തായി നടന്നത്. നിരവധി പേർക്ക് ജീവൻ നഷ്ടമാകുകയും ചെയ്തിരുന്നു.
Post a Comment