വിദേശത്തുള്ള മാതാപിതാക്കളുടെ ഏക മകൾ;നാടിന്റെ കണ്ണീരായി പയ്യാവൂരിലെ അപകടം

കണ്ണൂർ:  പയ്യാവൂരിൽ

അമിതവേഗതയിലെത്തിയ കാറിടിച്ച്

റോഡരികിലൂടെ മുത്തശ്ശിയോടൊപ്പം

നടന്നുപോവുകയായിരുന്ന മൂന്നു വയസ്സുകാരി

ദാരുണമായി മരിച്ചു.

പയ്യാവൂർ ചമതച്ചാലില്‍ നടന്ന അപകടത്തില്‍ ഒ.എല്‍. അബ്രഹാമിന്റെയും ഷിജിയുടെയും മകള്‍ അനുവിൻ്റെയും കാസർകോട് കള്ളാർ പറയാകോണത്ത് സോയിയുടെയും ഏക മകളായ നോറയാണ് മരിച്ചത്. കുട്ടിയുടെ അമ്മൂമ്മ ഷിജിക്കും ഈ അപകടത്തില്‍ പരിക്കേറ്റിട്ടുണ്ട്.

പോലീസ് നടത്തിയ പ്രാഥമിക അന്വേഷണത്തില്‍ അമിതവേഗതകാരണം കാര്‍ നിയന്ത്രണം വിട്ടതാണ് അപകടത്തിന് ഇടയാക്കിയതെന്ന് കണ്ടെത്തി. 2025 മെയ് 1 വൈകുന്നേരം 6:30 ഓടെയായിരുന്നു സംഭവം.

സംഭവത്തില്‍ കാർ ഡ്രൈവർക്കെതിരെ പയ്യാവൂർ പോലീസ് കേസെടുത്തിട്ടുണ്ട്. നോറയുടെ മാതാപിതാക്കളായ അനുവും സോയിയും വിദേശത്താണ്.