ഇരിട്ടി: ഇരിട്ടി-പേരാവൂർ റോഡ്
നവീകരണം നടന്നതോടെ റോഡിൽ
നിത്യവും ഉണ്ടാകുന്നത് നിരവധി അപകടങ്ങൾ.
ആകെത്തകർന്ന് പൊട്ടിപ്പൊളിഞ്ഞ റോഡ് ഒരു
പതിറ്റാണ്ടിന് ശേഷം നവീകരണ പ്രവർത്തി
നടന്നതോടെ റോഡ് പൊങ്ങിയതും
അരികുകളുടെ ഭാഗത്ത് വൻ ഗർത്തങ്ങൾ
ഉണ്ടായതുമാണ് നിരന്തരം അപകടങ്ങൾക്കു
കാരണമാകുന്നത്.
ഓടിക്കൂടിയ നാട്ടുകാരാണ്‌ കാറിലുണ്ടായിരുന്നവരെ സമീപത്തെ ആശുപത്രിയില്‍ എത്തിച്ചത്‌. റോഡിന്റെ നവീകരണ പ്രവൃത്തി കഴിഞ്ഞിട്ട്‌ രണ്ടു മാസം പിന്നിടുകയാണ്‌. റോഡിന്റെ അപകടാവസ്‌ഥ വാര്‍ത്തയായതോടെ ഇത്തരം കുഴികള്‍ മൂടുക എന്ന ലക്ഷ്യത്തോടെ റോഡരികില്‍ പലയിടങ്ങളിലായി മണ്ണ്‌ കൊണ്ടിട്ട്‌ ഒരു മാസം കഴിഞ്ഞെങ്കിലും പ്രവൃത്തികളൊന്നും നടന്നില്ല. രാപ്പകലില്ലാതെ മണിക്കൂറില്‍ നൂറുകണക്കിന്‌ വാഹനങ്ങള്‍ കടന്നു പോകുന്ന റോഡിനോട്‌ അധികൃതര്‍ കാണിക്കുന്നത്‌ വലിയ അനാസ്‌ഥയാണ്‌. നിത്യവും ഞങ്ങള്‍ അപകടങ്ങള്‍ കണ്ട്‌ മടുത്തെന്നും ഇതിനു അടിയന്തിര പരിഹാരം കണമെന്നുമാണ്‌ റോഡരികിലെ താമസക്കാരും പറയുന്നത്‌.
Post a Comment