മാനന്തവാടി: മൈസൂരുവില് വെച്ചുണ്ടായ വാഹനാപകടത്തില് മാനന്തവാടി സ്വദേശിനിയായ നൃത്ത അധ്യാപിക മരിച്ചു. റിട്ടയര്ഡ് പോലീസ് ഉദ്യോഗസ്ഥനായ ശാന്തി നഗറിലെ ജോസിയുടെയും റീനയുടെയും മകള് അലീഷ ആണ് മരിച്ചത്.
നൃത്ത അധ്യാപികയായ അലീഷ ഭര്ത്താവ് ജോബിനൊപ്പം ബെംഗളൂരുവിലെ നൃത്ത പരിപാടിക്കായി പോകവെ വ്യാഴാഴ്ച അര്ധരാത്രിയോടെയാണ് അപകടം ഉണ്ടായത്. മൈസൂരുവില് വെച്ച് ഇവര് സഞ്ചരിച്ച കാര് നിയന്ത്രണം വിട്ട് മറിഞ്ഞെന്നാണ് പ്രാഥമിക വിവരം.
അപകടത്തില് ഗുരുതരമായി പരുക്കേറ്റ അലീഷയെ മൈസൂരുവിലെ ആശുപത്രിയില് പ്രവേശിപ്പിച്ചു. തുടര് ചികിത്സയ്ക്കായി അലീഷയെ നാട്ടിലേക്ക് കൊണ്ടു വരുന്നതിനിടെ ഗുണ്ടല്പേട്ടില് വെച്ച് ആരോഗ്യസ്ഥിതി വഷളാകുകയും മരണം സംഭവിക്കുകയുമായിരുന്നു.
മാനന്തവാടിയില് എബിസിഡി എന്ന നൃത്ത വിദ്യാലയം നടത്തിവരികയായിരുന്നു അലീഷ. ടിവി ചാനലുകളിലും മറ്റും ധാരാളം റിയാലിറ്റി ഷോകളിലും പങ്കെടുത്ത താരം കൂടിയാണ്. അപകടത്തില് പരുക്കേറ്റ ഭര്ത്താവ് ജോബിന് ചികിത്സയില് കഴിയുകയാണ്. എലൈന എഡ്വിഗ ജോബിന് മകളാണ്.
Post a Comment